ერიკ ჰობსბაუმი
ერიკ ჯონ ერნესტ ჰობსბაუმი (ინგლ. Eric John Ernest Hobsbawm; დ. 9 მანგი, 1917, ალექსანდრია, ეგვიპტეშ სულთანატი — ღ. 1 გჷმათუთა, 2012, ლონდონი, ინგლისი) — ბრიტანალი ისტორიკოსი, შინელი რე ინდუსტრიული კაპიტალიზმიშ, სოციალიზმიშ დო ნაციონალიზმიშ რკვიებეფით. ჰობსბაუმი რდჷ მარქსისტი ისტორიოგრაფი დო ნაციონალიზმიშ ართ-ართი დიდი კრიტიკოსი.
| ერიკ ჰობსბაუმი | |
 ერიკ ჰობსბაუმი 2011 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 1, 2012 (95 წანერი) |
| ღურაშ აბანი: | |
| ერუანობა: |
ბრიტანალი |
| საქვარუა: |
ისტორიკოსი, სოციალური თეორიტიკოსი, ავტორი |
| Magnum opus: |
რევოლუციაშ ეპოქა: ევროპა 1789–1848 (1962) |
| ჟანრი: |
გლობალური ისტორია |
| ნინა: | |
| ჯილდოეფი: |
ბრიტანეთიშ აკადემიაშ მაკათური (1978) |
ერიკ ჰობსბაუმიქ დებადჷ 1917 წანას, ალექსანდრიას, ურიეფიშ ფანიას. ბაღანობა გატარჷ ვენას დო ბერლინს. გურაფულენდჷ ბერლინიშ გიმნაზიას. ჸათე პერიოდის დეინტერესჷ მარქსიზმით. გერმანიაშ თარობაშა ნაცისტეფიშ მულაშ უკული, ჰობსბაუმიშ ფანიაქ ოცხოვრებშა ლონდონშა გინილჷ, სოდეთ ჰობსბაუმიქ გურაფა გაგინძორჷ მერილებონიშ გრამატიკაშ სკოლას. 1936 წანას კემბრიჯიშ ომაფე კოლეჯიშა გემშართჷ, სოდეთ მიპალუ ისტორიაშ დოქტორიშ ხარისხი. სტუდენტობაშ ბორჯის ქაკათჷ ბრიტანეთიშ კომუნისტური პარტიას. მაჟირა მოსოფელიშ ლჷმაშ ბორჯის თიქ ქაკათჷ ომაფე ინჟინერეფიშ კორპუსის. 1947 წანას ჰობსბაუმიქ მუშობა ქიდიჭყჷ ბირკბეკიშ კოლეჯის ისტორიაშ ლექტორო. 1970-1982 წანეფს რდჷ ბირკბეკიშ პროფესორი დო 1982 წანაშე პროფესორი ემერიტუსი.
1952 წანას ჰობსბაუმიქ დარსხუ აკადემიური ჟურნალი "Past & Present", ნამუთ ართ-ართი ლიდერი პუბლიკაცია რდჷ სოციალური ისტორიაშ გოვითარაფაშ დარგის. 1960-იან წანეფს ჰობსბაუმი მუშენდჷ სტენფორდიშ უნივერსიტეტის ხოლო. 1984-1997 წანეფს რდჷ ნიუ-იორკიშ სოციალური რკვიებეფიშ ახალი სკოლაშ პროფესორი. 2002 წანაშე ღურაშახ რდჷ ბირკბეკიშ პრეზიდენტი.
ერიკ ჰობსბაუმიშ არძაშე უმოსო ჩინებული ნახანდი რე ტეტრალოგია ნამუთ იკათუანს წინგეფს: რევოლუციაშ ეპოქა: ევროპა 1789–1848, კაპიტალიშ ეპოქა: 1848–1875, იმპერიაშ ეპოქა: 1875–1914 (ნამუეფსით ჰობსბაუმი გირძე XIX ოშწანურა-ს უძახუდჷ) დო ექსტრემიზმიშ ეპოქა: კუნტა მაეჩა ოშწანურა, 1914–1991 (კუნტა XX ოშწანურა).
ერიკ ჰობსბაუმი რდჷ შხვადოშხვა პრემიეფიშ დო ჯილდოეფიშ ლაურეატი. ჰობსბაუმი რდჷ რესპუბლიკური უნივერსიტეტიშ (ურუგვაი), ვენაშ უნივერსიტეტიშ დო კარლიშ უნივერსიტეტიშ (პრაღა) საპატიო დოქტორი.
გიშნაგორა პუბლიკაციეფი
რედაქტირაფა- რევოლუციაშ ეპოქა: ევროპა 1789–1848 (1962)
- ინდუსტრია დო იმპერია (1968)
- ბანდიტეფი (1969)
- კაპიტანი სვინგი (1969)
- კაპიტალიშ ეპოქა: 1848–1875 (1975)
- მარქსიზმიშ ისტორია (1982)
- იმპერიაშ ეპოქა: 1875–1914 (1987)
- მარსელიოზაშ ექო (1990)
- ნაციეფი დო ნაციონალიზმი 1780 წანაშე: პროგრამა, მითი, რეალობა (1991)
- ექსტრემიზმიშ ეპოქა: კუნტა მაეჩა ოშწანურა, 1914–1991 (1994)
- ისტორიაშ გეშა (1997)
- კარლ მარქსი დო ფრიდრიხ ენგელსი, კომუნისტური მანიფესტი (1998)
- ახალი ოშწანურა (2000)
- ინტერესუანი ბორჯი: რინა მაეჩა ოშწანურას (2002)
- გლობალიზაცია, დემოკრატია დო ტერორიზმი (2007)
- იმპერიაშ გეშა (2008)
- მუჭო ითირას მოსოფელქ: მარქსი დო მარქსისტეფი 1840–2011 (2011)
- ნაციონალიზმიშ გეშა (2021)
რესურსეფი ინტერნეტის
რედაქტირაფა
- Eric Hobsbawm page at David Higham.
- Profile in the London Review of Books
- UCLA International Institute :: Eric Hobsbawm Speaks on His New Memoir
- Interviewed by Alan Macfarlane 13 September 2009 (video)
- Brief bio and links to articles, Spartacus Educational
- "Professor Eric Hobsbawm" on Desert Island Discs, 10 March 1995.
- Audio of interviews with Eric Hobsbawm including his memories of Berlin in 1933