ეტორე მაიორანა
ეტორე მაიორანა (იტალ. Ettore Majorana; დ. 5 მარაშინათუთა, 1906, კატანია, იტალიაშ ომაფე — უშარეთ მედინჷ დოხოლ. 27 მელახი, 1938, იტალია) — იტალიარი ფიზიკოსი-თეორიტიკოსი. თიში რკვიებეფი უმოსო ორხველუდჷ ნეიტრინოეფიშ მასას.
| ეტორე მაიორანა | |
| იტალ. Ettore Majorana | |
 ეტორე მაიორანა 1930-იან წანეფს | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მედინჷ 1938 წანას (32 წანერი) |
| ღურაშ აბანი: |
უჩინებუ |
| მენოღალობა: | |
| ომენცარე სფერო: |
გვირზილიშ დო ელემენტარული წულუკეფიშ ფიზიკა |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჩინებული რე მუჭოთ: |
გვირზილიშ პროტონ-ნეიტრონული დო ემეთი ნეიტრალური ნეიტრინოშ მოდელეფიშ ავტორი |
.svg){kind=small}
დებადჷ სიცილიაშ ნოღა კატანიას. გურაფულენდჷ დიო ინჟინერიას, ფიზიკათ უკულიანი პერიოდის დეინტერესჷ. დუდშე დაინტრესებული რდჷ ატომური სპექტროსკოპიათ. მაართა ომენცარე ნახანდი 1928 წანას გჷმაბჟინუ. 1931 წანას გიშართჷ მაიორანაშ სტატიაქ ატომიშ სპექტრიშ ავტოიონიზაციაშ გეშა. ჸათე ფენომენს თინა სპონტანური იონიზაციას უძახუდჷ.
1932 წანას ირენ ჟოლიო-კიურიქ დო ფრედერიკ ჟოლიო-კიურიქ ექსპერიმენტეფიშ გჷმორინაფათ ოძირეს ნამდა არსებენდჷ თიხანური ბორჯიშო უჩინებუ წილაკი დო თინეფიშ არზით თინა რდჷ გამა-ჩხორია. მაიორანაშ არზით ჸათე წილაკის ოკო უღუდკო ნეიტრალური მუხტი დო პროტონიშ მანგური მასა. ჸათე წილაკი რდჷ ნეიტრონი. ენრიკო ფერმიქ მაიორანას მეჩჷ რეკომენდაცია, ჸათეშ გეშათ დუჭარუდკო ომენცარე სტატია, მარა მაიორანაქ ვეგიაჸუნუ თე საქვარს. 1932 წანას ინგლისარი ფიზიკოსიქ ჯეიმზ ჩედვიკიქ ექსპერიმენტით დანტკიცჷ ნეიტრონიშ არსებობა. ჩედვიკიქ 1935 წანას მიპალუ ნობელიშ პრემია.
1933 წანას მაიორანაქ ერუანული რკვიებეფიშ სხუნუშ გრანტით, გერმანიაშა მიდართჷ, სოდეთ მუშენდჷ უერნერ ჰეიზენბერგიწკჷმა ართო. მაიორანაქ ართი პერიოდის იმუშუ ნილს ბორიწკჷმა ხოლო.
1933 წანას კინ რომშა დირთჷ. 1938 წანას, 32 წანერი მაიორანაქ გინირთჷ ნეაპოლიშ უნივერსიტეტიშ თეორიული ფიზიკაშ რსული პროფესორო. 1937 წანას გჷმაბჟინუ ეკონია ომენცარე სტატია ელექტრონეფიშ დო პოზიტრონეფიშ სიმეტრიული თეორიაშ გეშა.
1938 წანაშ მელახის მაიორანაქ მედინჷ — დიო ბანკიშე ფარა გეგშუღალუ, პალერმო-ნეაპოლიშ გემიშ ბილეთი ქუჸიდირუ დო ჸათეშ უკული თიში ნაქური ვაჩქჷ. ართი ვერსიათ დეპრესიული მაიორანაქ დუდი დიჸვილუ. მაჟირა ვერსიათ თიქ ლათინური ამერიკაშა მიდართჷ, სოდეთ 1959 წანაშახ ნოცხოვრებუე. 2015 წანაშ რომიშ პროკურატურაშ მუნაჩემეფით, თინა ვენესუელაშ ნოღა ვალენსიას უძირუნა. ოთხი წანათ ადრე, 2011 წანას იტალიური მედიაშ ინფორმაციათ, რომიშ პროკურატურაქ მიოგორუ ართი მოწამეს, ნამუთ მაიორანას შეხვალამუ ბუენოს-აირესის, მაჟირა მოსოფელიშ ლჷმაშ უკულიანი პერიოდის.
ეტორე მაიორანაშ ჯოხონობაშ რე მაიორანაშ განტოლება დო მაიორანაშ ფერმიონი. 2006 წანას დირსხუ მაიორანაშ მემორიალური პრემიაქ.
ლიტერატურა რედაქტირაფა
- Esposito, Salvatore (2017). Ettore Majorana - Unveiled Genius and Endless Mysteries. Springer Biographies. Springer International Publishing.