ვალენტი
ვალენტი (ბერძ. Ουάλης; დ. 328 — ღ. 9 მარაშინათუთა, 378) — რომიშ იმპერატორი 364-378 წანეფს. ახალნორდობაშე ნინალენდჷ რომიშ არმიას, მარა მუთუნნერი წჷმოძინეფიშა ვემუჭირინუაფჷ. უნჩაში ჯიმაქ ვალენტინიანე I-ქ წჷმარინუ წორომამართალო დო გეგნოჩჷ იმპერიაშ ბჟაეიოლი ნორთი.
| ვალენტი ბერძ. Ουάλης | ||
.png) ვალენტიშ გჷმოხანტუა რომაული მონეტა სოლიდუსის | ||
| ბჟაეიოლი რომიშ იმპერიაშ იმპერატორი | ||
|---|---|---|
| პოსტის გერინაშ ბორჯი | ||
| 28 მელახი, 364 წანა – 9 მარაშინათუთა, 378 წანა წორომამართალეფი: ვალენტინიანე I (ბჟადალი, 364-75); გრაციანე (ბჟადალი, 375-78); ვალენტიანე II (ბჟადალი, 375-78) | ||
| წიმოხონი | ვალენტინიანე I | |
| მონძე | თეოდოსიუს I | |
| დუნაბადი | 328 კიბალა, პანონია სეკუნდა (თეხანური ვინკოვცი) | |
| ნაღურა | 9 მარაშინათუთა, 378 (49 წანერი) ადრიანოპოლი, ბჟაეიოლი რომიშ იმპერია (თეხანური ედირნე) | |
| მუმა | გრაციანე უნჩაში | |
| ალმასქუ | ალბია დომნიკა | |
| სქუალეფი | ანასტასია კაროზა ვალენტიანე გალატე | |
| რელიგია | გვერდო არიანალობა | |
366 წანას ვალენტიქ დამარცხჷ უზურპატორი პროკოპი. 367-369 წანეფს აწარმენდჷ ოურდუმე კამპანიას გოთეფიშ მეხჷ. ვესტგოთეფი ოცადუდეს თრაკიაშა მიშაჭკირუას. 376 წანას, ვალენტიქ მუში ჯარით გეგნოკვათუ დუნაი დო მოჯალაგუ ვესტგოთეფიშ ტერიტორიეფი. ჟირი წანაშ უკულ, კინ გემშეჭკირჷ დო კინ დამარცხჷ ვესტგოთეფი. 371-372 წანეფიშ ზოთონჯის, ვალენტიქ დამარცჷ თეოდორუსიშ არყება ანტიოქიას. უკულიანი პერიოდეფს ვალენტი ოცადუდჷ ბჟაეიოლი სანძღოეფიშ გამანგარებას. ბჟაეიოლიშე იმპერიას ორცქინანდეს სასანიანეფი, სარკინოზეფი დო ისავრიალეფი. 376 წანას ვალენტიქ მიპალუ შანულამი გომორძგუა მესოპოტამიას, მარა ვეგმარინუ.
თე წანას, იმპერიაქ ჰუნეფიშე მარცხებულ ვესტგოთეფს ქიმეჩჷ დოხორინიშ ნებაქ დუნაიშ ობჟათეშე მადვალუ რეგიონეფს (მეზია). მარა მალას ვესგოთეფქ ეარყეს დო ადრიანოპოლიშ ლჷმას, 378 წანაშ 9 მარაშინათუთას ორჯგინეს რომალეფიშ არმიას. ლიმას დოღურჷ იმპერატორი ვალენტიქ ხოლო.
იმპერიაშ დინახალე, ვალენტი ხემანჯღვერენდჷ შხვადოშხვა პროექტეფს. მაგალითო, თიში მართუალაშ ბორჯის ეიოგეს აკვედუკი, ნამუთ წყარით ამარაგენდჷ იმპერიაშ ნანანოღა კონსტანტინოპოლს.