ვანდალეფიშ ომაფე

ვანდალეფიშ დო ალანეფიშ ომაფე (ლათ. Regnum Vandalorum et Alanorum) — ვანდალეფიშ დო ალანეფიშ კონფედერაციული გოართოიანაფა, ნამუთ დარსხუ გაიზერიხიქ - ვანდალი მალიმარქ. ომაფეშ აკოდგინალუაშა 435-534 წანეფს მიშმეშჷ ოორუე აფრიკა დო სქირონაშქა ზუღაშპიჯეთიშ ტერიტორიეფი.

ვანდალეფიშ დო ალანეფიშ ომაფე ლათ. Regnum Vandalorum et Alanorum
←   ← 435 — 534 →
ვანდალეფიშ დო ალანეფიშ ომაფე 526 წანას
ნანანოღა	ჰიპონი (435-439) კართაგენი (439-534)
ნინა	ლათინური, ვანდალური, პუნიკური, ალანური, ნუმიდიური, ბერძენული
რელიგია	არიანალობა, ნიკეაშ ქირსიანობა, ქალკედონიური ქირსიანობა
დუდალაშ ფორმა	მონარქია
მაფა
- 435-477	გაიზერიხი
- 477-484	ჰუნერიხი
- 484-496	გუნტამუნდი
- 496-523	ტრაზამუნდი
- 523-530	ჰილდერიხი
- 530-534	გელიმერი

429 წანას ვანდალეფქ, რომიშ ესპანეთიშე ნავეფით გეგნორთეს ოორუე აფრიკაშა. თინეფიშ მუდანობა იკათუანდჷ დოხოლაფირო 80,000 ადამიერს. მალას ვანდალეფქ ქიდეკინეს თეხანური ტუნისიშ დო ალჟირიშ ტერიტორიეფი. რომალეფს ვანდალეფქ ვადამარცხებეს დო 435 წანაშო ბჟადალი რომიშ იმპერიაქ ვანდალეფს ქიმეჩჷ ნება ნუმიდიას დო მავრეტანიას დოხორინიშ. 439 წანას ვანდალეფქ წიმიჭყეს ახალი ოურდუმე ექსპედიცია დო გეჭოფეს კართაგენი, ნამუთ არძაშე უმოსი შანულამი ნოღა რდჷ ოორუე აფრიკას. ვანდალეფქ განძალიერეს ფლოტი დო მალას ქიდეკინეს მალიორკა, სიცილია, სარდინია დო კორსიკა. 460-იან წანეფს რომალეფი ძალამს ოცადუდეს ოორუე აფრიკაშე ვანდალეფიშ გინორაჸუას დო ჸათე ღანკით დიჭყეს ოზუღე ექსპედიციეფი, მარა მუთთუნერი წჷმოძინეფიშა ვემიაჭირინეს. ოორუე აფრიკაშ დინაფა რომიშ იმპერიაშო სერიოზული პრობლემა რდჷ, მუშენდა ჸათე რეგიონი ამარაგენდჷ რომს ქობალიშ კაკალით.

ვანდალეფიშ ომაფეშ ისტორია ითებუ 534 წანას, მუჟამსჷთ ბიზანტიაშ მანჯღვერთარქ ველისარიუსიქ ქიდიჸუნუ ვანდალეფიშ ომაფე. ომაფექ ბიზანტიაშ იმპერიაშ აკოდგინალუაშა მიშელჷ.

ქოძირით თაშნეშე

• ვესტგოთეფიშ ომაფე
• ოსტგოთეფიშ ომაფე

ლიტერატურა

• Merrills, Andrew; Miles, Richard (2010). The Vandals. John Wiley & Sons.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.