ვანუატუ (კინოხიანი ჯოხოდვალა ახალი ჰებრიდეფი) - რჩქალ ოკიანეს მადვალუ მორჩილი ქიანა, ნამუთ მუსხირენ კოკიშ ბუნაშე აკმოდირთუ. ქიანაშ წყარპიჯიშ ღოზის სიგჷნძა - 2528 კმ. რე, ედომუშამი ფართობი - 12,189კმ².

ვანუატუშ რუკა
ვანუატუშ რუკა

ვანუატუშ გეოგრაფიული კოორდინატეფი - 16°00′ ობჟ. გ. 167°00′ ელ. გ. / . ქიანა ოკიანეთიშ ნორთი რე. ვანუატუშ უახოლაში მოხურგე ტერიტორიეფი რე სოლომონიშ კოკეფი დო ახალი კალედონია, ავსტრალია - ვანუატუშ უხოლაში კონტინენტი რე.

რელიეფი რედაქტირაფა

ვანუატუ გვალამი ვულკანური წჷმოულობაშ არქიპელაგი რე ინწრო წყარპიჯიშ რზენეფით.

ქიანაშ უმაღალაში გვალა რე ბატვემასანა (1877 მ.). ქიანაშ ტროპიკულ კლიმატის აქექარენს ობჟათე-ბჟაეიოლური პასატეფი დო თიში ორთაშობური რესურსეფი რე ფართოფურცელამი ტყალეფი დო ჩხომი.

ქიანას ორთაშობური უბადობეფი უჩქჷ ტროპუიკული ციკლონეფიშ ვარდა ტაიფუნეფიშ სახეთ (ღურთუთაშე პირელშა), თაშნეშე მორჩილი სინძალიერეშ დიხაშნწალუეფი დო ვულკანეფიშ ეშულეფი. თაშნეშე ქიანას ცუნამიშ ოშქურანჯობა ხოლო რე.

ქიანაშ მახორობაშ უმენტაშობას სუფთა, ოშუმალ წყარიშ დო იროიანი წყარიშ მეჭირინაფაშ პრობლემეფი უღუ. კოკეფს ტყაშ კვათუა, ქიანაშ ხოლო ართ-ართ პრობლემას წჷმარინუანს.

ვანუატუ მუსხირენ ოერეფოშქაშე აპიჯალაშ მაკათური რე, თინეფს შქას რე ანტარქტიდაშ ზუღაშ თელარი რესურსეფიშ, ბიომიარეფერუამობა, კლიმატიშ თირუა, კლიმატიშ თირუა-კიოტოშ პროტოკოლი, გოტიოზაფა, ეშალაფაშ კარს მარენჯი ჩხოლარეფი, გოეროშ კონვენცია ოზუღე სამართალიშ გეშა, ზუღაშ დონოხვერაფა, ოზონიშ ფაშ თხილუა, ნოშეფიშ დონოხვერაფა.

თაშნეშე ქოძირით რედაქტირაფა

სქოლიო რედაქტირაფა