ვიკიპედია:ხემანჯღვერეფიშ გიშაგორუეფი
თაქ იმანჯებუ მახვარებუეფიშ ადმინისტრატორო გიშაგორუეფი დო თიწკჷმა მერსხილი სხუნუეფი
- ვიკიჯარალუა ადმინისტრატორიშ სტატუსის მითმეჩანს ნდებათ მოკვანწილ რედაქტორეფს, ნამუეფსჷთ უჩქუნა ვიკიპედიაშ კანონეფი. ნომინანტეფს ვიკიპედიას გვარიანი ისტორია უღუდან ოკო, თიშ გეშა, ნამჷ-და მახვარებუეფს გინაჯინინედან თინეფიშ მუშობურობეფშან. ხემანჯღვერეფი ეთიკაშ მაღალ სტანდარტის ოკო გამენდან, თიშ გეშა, ნამჷ-და თინეფი ეწირინუაფჷნა მუჭოთ ვიკიპედიაშ „ოფიციალური სახე“. ადმინისტრატორეფი ოკო რდანი მორდილეფი, მაჭყოლოფე დო შხვეფწკჷმა ურთიართობაშ ბორჯის დუდიშ დჷმაკინე. ადმინისტრატორალა გეძინელი გამამინჯალა რე, თიშ გეშა, ნამჷ-და თინეფშო რე თაშნეშე ზოხო კანონეფი. ხემანჯღვერიშ რჯება უთირუ ვა რე დო რე ზოხო პროცესი, ნამუთ ადმინისტრაციული ნებეფიშ ულამოსე გჷმორონაფაშ შვანს კონფლიქტეფს სხუნუნს.
გინოჭყვიდირიშ მეღება
- მიდგა რეგისტრირაფილ მახვარებუს, ნამუთ ობაღინუანს გიმე ეშანილ მოთხირეფსჷნ, წჷმარინინე ვიკიპედიას უკვე რეგისტრირაფილი მახვარებუშ კანდიდატურა. დორხველი კანდიდატურაშ წჷმორინაფათ ვაშილებე. ნომინაცია შკვითი დღაშ გოძვენას სქიდჷ აქტიური თე ხასჷლას, ნამუშ გოძვენასჷთ დოინტერესაფილი მახვარებუეფი დორხველ გოხვალამეფს ჭარჷნან, კითხენა კანდიდატეფს დო თიჯგურეფი. პერიოდიშ ბოლოს ბიუროკრატი, ნამუსჷთ ადმინისტრატორიშ გოაქტიურაფა ოხუნ, გჷთმოსხუნუნს დისკუსიას, დერწუმას, ნამჷ-და რე ოართე კონსენსუსი წჷმორინაფილი კანდიდატურაშ გეშა.
- მახვარებუეფიშ მუდანობა, ნამუეფით მოხუჯე რენა, მოვარიე რენა ვარ-და დუდს იკინანა, შანულამი ფაქტორი რე ზოგადი კონსენსუსიშ დადგინალო, მარა კანდიდატის წჷმოძინაშო მახვარებუეფიშ მინიმუმ 75%-იშ ხუჯიშ დაკინებას ოხვილჷ. გიშაგორუეფიშ პერიოდის აკორაგადელი გოხვალამეფქ დო არგუმენტეფქ შილებე მაკათურეფს კანდიდატიშ გეშა არზი დათირაფუასჷნ. ბიუროკრატის ხოლო გეძინელი ნება უღუ გეგნოჭყვიდას, დო მუჭოთ რე მიოღებელი თე დო თი კანდიდატი ადმინისტრატორო.
- გიშაკერძაფილ შვანეფს ბიუროკრატეფქ შილებე გახანგჷნძან გიშაგორუეფიშ პერიოდი დო თეთ კონსენსუსი უმოსი სინთიერო გეგშეკვათასჷნ. დო კანდიდატის მაართა გიშაგორუეფს ვეგშართჷ-და, ქორთხინთ მიცადათ გორკვიაფილი პერიოდი (კორინელი რე სუმი თუთა), სოიშახ ხემაჟირაშა წჷმარინუანდათ თქვან კანდიდატურასჷნ.
მუჭო შილებე ადმინისტრატორო გინიბრთენ?
- კანდიდატი დორეგისტრირაფილი რდას ოკო არძაში უკულაში 1 წანაშ კინოხ.
- კანდიდატის უღუდას ოკო მინიმუმ 3500 რედაქტირაფა.
- კანდიდატი წჷმარინინე მიდგა მახვარებუს, ნამუსჷთ ხონარიშ მეჩამაშ ნება უღუნ. რდას ოკო კანდიდატიშ ალება.
კალიშრღვაფას მაკათურეფიშ ნებეფი
- კალი არღვინენა მახვარებუეფს, ნამუეფქჷთ არძაში უკულაში 3 თუთაშ კინოხ დერეგისტრირესჷნ (ვირტუალეფიშ დუდშე აღებელო). თინა აქტიური რდას ოკო კანდიდატიშ წჷმორინაფაშახ (კინე ვირტუალეფშე დუდიშ აღებელო).
- კალიშრღვაფაშ ბორჯის მახვარებუს მუში არზი გჷმახანტე
(მახუჯე)-თი, 
(ნეიტრალური)-თ, ვარ-და 
(მოვარიე)-თ. კორინელი რე თეშ ბაძაძჷთ ქემუჭარასჷნ. ხონარეფიშ კოროცხუაშ ბორჯის (ნეიტრალური) ვემიაკოროცხუ. - დორხველი დუდიშ მენაჩემუ ხონარეფი ვემიკოროცხჷ.
- მახვარებუს ხვალე ართი ჯოხოთ მიაჩინე ხონარი. თე „Checkuser“-ქ (დიოდღარო მარგალურ ვიკიპედიას ვაბჸუნა) გინაჯინას ოკო.
- ვაშილებე აგრესიაშ დო რცქინაფაშ გჷმორინაფა.
- კალიშრღვაფაშ ბორჯის „დუდიშ მოკინება“ ვა რე ჭკვერული.
ინსტრუქციარედაქტირაფა
- კანდიდატურაშ წჷმორინაფაშ უკული გიმენი სექციას „მიმალი გიშაგორუეფი“ ქენახუნეთ კოდი {{ვიკიპედია:ადმინისტრატორეფიშ გიშაგორუეფი/კანდიდატი}} (კანდიდატი მანგიორო კანდიდატიშ ჯოხო).
| გჷმირინეთ გიმენი ოსინთე, კანდიდატი მანგიორო ქენაჭარით კანდიდატიშ ჯოხო: |
მიმალი გიშაგორუეფირედაქტირაფა
ეს ადამიანი უნდა იყოს ადმინისტრატორი, ვინაიდან: 1. არის აქტიური მომხმარებელი, 2. აქვს გამოცდილება, 3. რომ არა ის მეგრული ვიკიპედია ახლა ჩამკვდარი პროექტი იქნებოდა, გავითვალისწინოთ ისიც, რომ სხვა ადმინისტრატორები არ აქტიურობენ, თუ ის თანახმაა, Narazeni წარდგენილი იქნება ადმინისტრატორობის კანდიდატად--ჯეო (სხუნუა) 20:16, 16 გერგობათუთა 2020 (+04)
კენჭისყრარედაქტირაფა
არქივირედაქტირაფა
- ქოძირით არქივიშ ხასჷლა.