ზუგდიდიშ ბანკიშ რჩუალა
ზუგდიდიშ ბანკიშ რჩუალა — საქორთუოშ ბანკიშ ნოღა ზუგდიდიშ ფილიალშა გენთხაფაშ ცადალა დო რძიალეფი ეჸონაფაშ სიტუაცია, ნამუქჷთ ნოღა ზუგდიდს 2020 წანაშ 21 – 22 გჷმათუთას მოხვადჷ. 21 გჷმათუთას, ონდღეს, საქორთუოშ ბანკიშა აკოანჯარაფილ გემანთხაფალქ გემნიჭკირჷ დო რძიალეფი გეიჸონჷ.[1]
აკოანჯარაფილი გემანთხაფალი გვერდ მილიონ დოლარს, ვერტფურინჯის ვარ-და მანქანას დო რზიალეფწკჷმა ართო ტერიტორიაშ უშქურანჯეთ დოტებაშ გარანტიას თხულენდჷ. გემანთხაფალი რძიალიშ შქამალობათ ტელევიზიეფს ვიდეოზარით არსხუაფუდჷ. მოთხირეფიშ ეიოჸონაფალო გემანთხაფალქ პოლიციას 2 სათი მეჩჷ. გემანთხაფალიშ მუნათხუა ბორჯიქ 6 სათის გეშილუ.
გემანთხაფალს მოთხილი 500 000 დოლარი ინკასაციაშ მანქანათ ქუმუღეს.[2] ორჩქნიეთ, მოთხილი ფარა სამარგალო-ჟიმოლენი შონეშ ოაკანე პოლიციაშ უნჩაშიქ ავთანდილ გალდავაქ გინოჩჷ. ზუსტას, გალდავაქ აჸუნჷ ჟირ რზიალწკჷმა ართო გემანთხაფალს.[3] თე სუმი რზიალიშ მოხ, გემანთხაფალქ არძა გუტუ, ნამუშ უკული „საქორთუოშ ბანკიშ“ დგჷმილი რზიალეფწკჷმა ართო ქჷდიტუ. დგჷმილიშ დოტებაშ ბორჯის ხელეფი ეჭოფილი უღუდჷ დო ორჩანიეთ ხეს ხეყუმბარა უკებუდჷ.[4]
22 გჷმათუთაშ 04:48 წუის, დინოხოლენი საქვარეფიშ სამინისტრექ გაცხადჷ, ნამჷ-და არძა რძიალი დუდიშული რე დო სამართალმათხილარეფი ინტენსიურ რეჟიმს აგჷნძორენა ოპერატიულ-ონაკვერუე დო ოგორუე ქიმინუეფს დუმაშებელიშ ოჭოფალო.
გიბჟინჷ ინფორმაციაქ, ნამჷ-და დუმაშებელს შილებე ოკუპირაფილ აფხაზეთშა ულამუდჷ გინულან. აფხაზეთიშ დე ფაქტო უშქურანჯალაშ სხუნუშ მელამოსეშ, სერგეი შამბაშ გჷნაცხადით, დუმაშებელქ, ნამუქჷთ ზუგდიდს ბანკის გიანთხჷნ, „ხურგი“ გეგნორთუ-და, სოხუმი თის ქართის გეგნოჩანს.[5]
25 გჷმათუთას, დინოხოლენი საქვარეფიშ სამინისტრექ განცხადება გაბჟინჷ, ნამუშ მეჯინათ, დუმაშებელი იდენტიფიცირაფილი რე. მარა, უჭყაფას ვაგუბჟინუაფჷ თიშ ჯოხო დო გვარი. დსს-ქ თაშნეშე მედია მეშქაშალეფს მოუჭანჷ, „ვაგაბჟინუან ინფორმაცია დუმაშებელიშ მინუობაშ გეშა, თიშ გეშა, ნამჷ-და თენა ეცილებუ მიმალი გითოგორუას“.[6]
26 გერგობათუთას, სპეციალურ ბრიფინგის დინოხოლენი საქვარეფიშ მინისტრიშ გამაქ ვლადიმერ ბორცვაძექ გჷმაცხადჷ, ნამჷ-და გემანთხაფალი იდენტიფიცირაფილი რე დო თიში ჯოხო დო გვარი ბადრი ესაბუა რე.[7]
თაშნეშე ქოძირით რედაქტირაფა
სქოლიო რედაქტირაფა
- ↑ არძა რზიალი დუდიშული რე, გემანთხაფალქ ინტჷ — მუ ხვადუდჷ ზუგდიდს. on.ge (2020-10-22). კითხირიშ თარიღი: 22 გჷმათუთა, 2020.
- ↑ „სამი კაცის გარდა ყველანი გამოგვიშვეს“ – მძევალი დაკითხვაზე გადაიყვანეს. mcm.ge (2020-10-21). კითხირიშ თარიღი: 22 ოქტომბერი, 2020.
- ↑ გამტაცებელს მძევლებთან ერთად გაჰყვა სამხარეო პოლიციის უფროსი ავთანდილ გალდავა. „რადიო თავისუფლება“. radiotavisupleba.ge (2020-20-21). კითხირიშ თარიღი: 22 ოქტომბერი, 2020.
- ↑ შეიარაღებულმა პირმა ზუგდიდში „საქართველოს ბანკის“ შენობა დატოვა. imedinews.ge (2020-10-21). კითხირიშ თარიღი: 22 ოქტომბერი, 2020.
- ↑ სერგეი შამბა — თუ ბანკზე თავდამსხმელმა საზღვარი გადმოკვეთა, სოხუმი მას თბილისს გადასცემს. interpressnews.ge (2020-10-22). კითხირიშ თარიღი: 22 ოქტომბერი, 2020.
- ↑ ზუგდიდში ბანკზე თავდამსხმელი პირი იდენტიფიცირებულია – შსს. Netgazeti (2020-10-25). კითხირიშ თარიღი: 25 ოქტომბერი, 2020.
- ↑ ზუგდიდში ბანკზე თავდამსხმელი ბადრი ესებუაა – შსს. Netgazeti (2020-10-26). კითხირიშ თარიღი: 26 ოქტომბერი, 2020.