თემისტოკლე
თემისტოკლე (ბერძ. Θεμιστοκλῆς, დ. ჯვ. წ. 524 — ღ. ჯვ. წ. 459) — ათენარი ოურდუმე დო სახენწჷფო მოღალე. პოლიტიკური კარიერაშ გოძვენას, სარგებლენდჷ ათენიშ ჯარალუაშ დაბალი ფენეფიშ ალარინათ. თემისტოკლეს ვაუღუდჷ ჯგირი ურთიართალა ათენარი დიდებუანეფიწკჷმა. ჯვ. წ. 493 წანას გიშაგორილქ იჸუ არქონტო. თემისტოკლე ათენარეფს არწუმენდჷ ნამდა ოხვილური რდჷ კაბეტი და ნძალიერი ფლოტი. თემისტოკლეშ ინიციატივათ ეიოგეს 200 ტრირემა, ნამუეფქჷთ უკულ კაბეტი შანულობა იღვენუეს ბერძენ-სპარსალეფიშ ლჷმეფიშ მიმალობას.
| თემისტოკლე ბერძ. Θεμιστοκλῆς | ||
 | ||
| ათენიშ არქონტი | ||
|---|---|---|
| პოსტის გერინაშ ბორჯი | ||
| ჯვ. წ. 493 – ჯვ. წ. 492 | ||
| წიმოხონი | პითოკრიტე | |
| მონძე | დიოგნეტე | |
მაგნეზიაშ მამართალი | ||
| პოსტის გერინაშ ბორჯი | ||
| ჯვ. წ. 465 – ჯვ. წ. 459 | ||
| მონძე | არქეპოლიდე | |
| დუნაბადი | დოხოლაფირო ჯვ. წ. 524 ფრეარი (თეხანური საბერძნეთი) | |
| ნაღურა | დოხოლაფირო ჯვ. წ. 459 (64-65 წანერი) მეანდრიშ მაგნეზია (თეხანური ტეკინი, გერმენჯიკი, აიდინი, თურქეთი) | |
| მუმა | ნეოკლე | |
| სქუალეფი | არქეპოლიდე, მნესიპტოლემა, ნიკომაქე, ასია, იტალია, სიბარისი, დიოკლე, პოლიევქტე, კლეოფანტე | |
საბერძნეთიშა სპარსალეფიშ მაართა მიშაჭკირუაშ ბორჯის, თემისტოკლე მონაწილენდჷ მარათონიშ ლჷმას დო უკინებუდჷ სტრატეგოსიშ პოსტი. სპარსალეფიშ მაჟირა მიშაჭკირუაშ პერიოდის ჯვ. წ. 480-479 წანეფს, თემისტოკლექ კაბეტი პოპულარობა მიპალუ დო თინა ჸათე ბორჯიშო რდჷ უშანულამაში პოლიტიკოსი ათენს.
სპარსალეფიშ მაჟირა მიშაჭკირუაშ მიმალობას, თემისტოკლე ხემანჯღვერენდჷ ბერძენეფიშ ფლოტის ატრემისიუმიშ დო სალამინიშ ლჷმეფს. ბერძენეფქ სპარსალეფიშ ფლოტი სალამინიშ ჸუჯიშა გემშეტყურეს დო თემისტოკლეშ მანჯღვერალათ კონწარო დამარცხეს სპარსალეფი. ართი წანაშ უკულ, ჯვ. წ. 479 წანას ბერძენეფქ სპარსალეფს შანულამი ლჷმა მუგეს უკვე სქირონას, პლატეიას.
ლჷმეფიშ წჷმოძინელო თებაშ უკულ, თემისტოკლეს პრობლემეფქ ქაშუ სპარტალეფიწკჷმა. თემისტოკლეშ ურთიართალაქ გეუფრაშჷ ათენარეფიწკჷმა ხოლო. ჯვ. წ. 472 (ვარდა ჯვ. წ. 471) წანას თემისტოკლეს ოსტრაკიზმი მუნწყის დო არგოსიშა გეგნახორეს. თემისტოკლეს ჭიჭე ხანით ოჸურჩე ქიმეჩჷ მაკედონიაშ მაფა ალექსანდრე I-ქ. უკულიანი პერიოდის, თემისტოკლექ მორჩილი აზიაშა გეგნორთჷ დო ოინალუდჷ სპარსეთიშ მაფაშ არტაქსერქსეს. თემისტოკლე ქუდარინეს მაგნეზიაშ მამართალო.
თემისტოკლექ ღურუ ჯვ. წ. 459 წანას, მაგნეზიას. ღურაშ უკულ თემისტოკლექ რეაბილიტირაფილქ იჸუ. პლუტარქეშ სიტყვეფით "თიქ არსულჷ ინსტრუმენტალური როლი საბერძნეთიშ რსხებაშო". თუკიდიდე თემისტოკლეს გენიოსო თვალუნდჷ.