თეოდორ დრაიზერი
თეოდორ ჰერმან ალბერტ დრაიზერი (ინგლ. Theodore Herman Albert Dreiser; დ. 27 მარაშინათუთა, 1871, ტერე-ჰოტი, ინდიანა, ააშ — ღ. 28 ქირსეთუთა, 1945, ჰოლივუდი, კალიფორნია, ააშ) — ამერიკალი ჭარუ, ნოველისტი დო ჟურნალისტი, ლიტერატურული მიმალობა ნატურალიზმიშ წჷმმარინაფალი.
| თეოდორ დრაიზერი | |
 თეოდორ დრაიზერი 1933 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 28, 1945 (74 წანერი) |
| ღურაშ აბანი: |
ჰოლივუდი, კალიფორნია, ააშ |
| ერუანობა: | |
| საქვარუა: | |
| პერიოდი : |
1892—1945 |
| Magnum opus: |
და კერი (1900) |
| ნინა: | |
თეოდორ დრაიზერიქ დებადჷ გერმანალი იმიგრანტეფიშ ფანიას. დრაიზერი გურაფულენდჷ ვორსოშ უმაღალაშ სკოლას, უკულ გურაფა გაგინძორჷ ინდიანაშ უნივერსიტეტის, ნამუთ ვაუთებუ. გურაფაშ თებაშ უკული დრაიზერი მუშენდჷ ჟურნალისტო დო კრიტიკოსო ჩიკაგოშ, სენტ-ლუისიშ, ტოლიდოშ, პიტსბურგიშ დო ნიუ-იორკიშ ჟურნალ-გაზეთეფს. ჸათე პერიოდის თიქ გჷმაბჟინუ მუში მაართა ლიტერატურული ნაწარმები "გენიოსიშ დორთინა", ნამუქჷთ გიშართჷ ჩიკაგოშ ჟურნალს ჩიკაგო დეილი გლოუბი-ს.
1900 წანას გიშართჷ დრაიზერიშ რომანქ "და კერი", ნამუქჷთ ავტორს პოპულარობა მოუღჷ. და კერი მერჩქინელი რე ართ-ართ უდიდაშ ამერიკულ ურბანულ რომანო.
1925 წანას გიშართჷ რომანქ "ამერიკული ტრაგედია", ნამუშ ჭარუა დრაიზერიქ 1920 წანას დიჭყჷ. დრაიზერიშ შხვა ნაწარმებეფიშე ეიოშინალი რე "ზალამიშ ტრილოგია", ნამუთ იკათუანს რომანეფს: "ფინანსისტი" (1912), "ტიტანი" (1914) დო "სტოიკი" (გიშართჷ ავტორიშ ღურაშ უკული, 1947 წანას). ზალამიშ ტრილოგია გერსხილი რე ამერიკალი ფინანსისტიშ ჩარლზ ტაისონ იერკსიშ რეალურ ცხოვრებას.
თეოდორ დრაიზერი, თაშნეშე ავტორი რე შხვადოშხვა დრამეფიშ დო პოეტური კათელეფიშ.
გიშნაგორა ნახანდეფი
რედაქტირაფა- Sister Carrie (1900)
- Jennie Gerhardt (1911)
- The Financier (1912)
- The Titan (1914)
- The "Genius" (1915)
- Free and Other Stories (1918)
- An American Tragedy (1925)
- Chains: Lesser Novels and Stories (1927)
- The Total Stranger (1944)
- The Bulwark (1946)
- The Stoic (1947)
რესურსეფი ინტერნეტის
რედაქტირაფა- თეოდორ დრაიზერი ენციკლოპედია ბრიტანიკას
- თეოდორ დრაიზერი - ნახანდეფი პროექტ „გუტენბერგის“
- თეოდორ დრაიზერი — Find a Grave-ს
- თეოდორ დრაიზერიშ საირქიანო ჯარალუა Archived 2022-09-09 ვებ-ხასჷლას Wayback Machine.
- თეოდორ დრაიზერი Goodreads-ის
- დრაიზერიშ პერსონალური ბიბლიოთეკა