ილია პრიგოჟინი
ილია პრიგოჟინი (რუს. Илья́ Рома́нович Приго́жин; დ. 25 ღურთუთა [ჯვ.სტ. 12 ღურთუთა], მოსკოვი, რუსეთიშ იმპერია — ღ. 28 მესი, 2003, ბრიუსელი, ბელგია) — ბელგიარი ფიზიოქიმიკოსი, ნობელიშ პრემიაშ ლაურეატი ქიმიაშ დარგის (1977). პრიგოჟინიქ პრემია მიპალუ დისიპატივური სტრუქტურაშ, კომპლექსური სისტემეფიშ დო ვარევერსული პროცესეფიშ მენცარული რკვიებაშ გეშა.
| ილია პრიგოჟინი | |
| რუს. Илья́ Рома́нович Приго́жин | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 28, 2003 (86 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ბრიუსელიშ ზოხორინელი უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ფრანკიშ პრემია (1955) |
.svg){kind=small}
ბიოგრაფია რედაქტირაფა
ილია პრიგოჟინიქ დებადჷ 1917 წანაშ 25 ღურთუთას, მოსკოვარი ურიეფიშ ფანიას. 1921 წანას პრიგოჟინეფქ რუსეთი ქიდიტეს დო ოცხოვრებშა დიო გერმანიაშა დო უკულ ბელგიაშა გინილეს. ილია პრიგოჟინი გურაფულენდჷ ქიმიას, ბრიუსელიშ ზოხორინელ უნივერსიტეტის. გურაფაშ თებაშ უკულ პრიგოჟინიქ უნივერსიტეტის ქუდოსკიდჷ დო მუშობა ქიდიჭყჷ ქიმიაშ პროფესორო. 1959 წანას ილია პრიგოჟინი ქუდარინეს სოლვეშ საირქიანო ინსტიტუტიშ დირექტორო. 1959 წანაშე პრიგოჟინი რდჷ ტეხასიშ უნივერსიტეტიშ (ოსტინი) პროფესორი. 1961-1966 წანას პრიგოჟინი აფილირებული რდჷ ჩიკაგოშ უნივერსიტეტიშ ენრიკო ფერმიშ ინსტიტუტიწკჷმა. 1967 წანას, ოსტინს, პრიგოჟინიქ დარსხუ თერმოდინამიკაშ დო სტატისტიკური მექანიკაშ ცენტრი (ასეიან კომპლექსური კვანტური სისტემეფიშ ცენტრი). 1967 წანას ილია პრიგოჟინიქ ბელგიაშა დირთჷ. ილია პრიგოჟინი რდჷ შხვადოშხვა პრემიეფიშ დო ჯილდოეფიშ ლაურეატი. თიქ 1955 წანას მიპალუ ფრანკიშ პრემია, 1976 წანას რუმფორდიშ მენდალი დო 1977 წანას ნობელიშ პრემია. 1989 წანას პრიგოჟინის ბელგიაშ მაფაქ გინოჩჷ ვიკონტიშ ტიტული. პრიგოჟინი ღურაშახ რდჷ მენცარობაშ საირქიანო აკადემიაშ (მიუნხენი) პრეზიდენტი. პრიგოჟინი რდჷ ედინბურგიშ ჰერიოტ-უატიშ უნივერსიტეტიშ საპატიო დოქტორი. 2003 წანას პრიგოჟინი რდჷ ართ-ართი 22 ნობელიშ პრემიაშ ლაურეატეფიშე, ნამუქჷთ ხე მაჭარჷ ჰუმანისტურ მანიფესტის. პრიგოჟინი რე შხვადოშხვა მენცარული პუბლიკაციეფიშ, წინგეფიშ დო სტატიეფიშ ავტორი.
რესურსეფი ინტერნეტის რედაქტირაფა
