ინჩხილი

ინჩხილი (ქორთ. - ჭანგა) (ლათ. Elytrígia) — ჩანარიშ გვარი ლაწკარამეფიშ ფანიაშე, ნამუთ იკათუანს მიარეწანიან ოდიარე ჩანარიშ 100 გვარობას.

თე ჩანარიშ გვარი წჷმოურს ევრაზიაშ ზჷმიერ ოლქეფშე დო ოორუე ამერიკაშ ოორუე-ბჟადალ რაიონეფშე.

ოჸოფურე შანულობა დო გჷმორინაფა

ინჩხილი — გლახა ეშაჸოთამალი ჟვერი ჩანარი რე, ნამუთ შხირას ჸვანეფს დო კულტურულ ჩანარეფს შქას აშაჩანს.

მედიცინას გჷმირინუაფუ მუჭოთ ოშველებერი ჩანარი. ინჩხილიშ ფოსვეფი იკათუანს ცაცლაბის, შანქარს, ასკორბინიშ ბჟეს, კაროტინს, დაცხის, თაშნეშე მერკეთდოგურაფილ გლიკოზიდეფს. წამალიშ სახეთ გჷმირინუანა ჩანარიშ ფოსვის, ნამუთ იშაყარუ ორდოიან აფუნს ვარ-და გვიან დამორჩილს. ჩანარს აკმადაცხალი, ბჟღერგიმარაჸალი, ზისხირაკმადვალარი, ეშმახვალარი დო უფუგიშმარაჸალი მუშობურობეფი უღუ.