ინ ვიტრო გაჸოფიერაფა
ინ ვიტრო გაჸოფიერაფა (ინგლ. In vitro fertilisation, IVF) — პროცედურა, მუჟამსჷთ მარქვალს აჸოფიერენა სპერმათ, ორგანიზმიშ გალე, სინჯარას. პროცესი იჭყაფჷ ოსურიშ რეპროდუქციული ორგანოეფიშ მონიტორინგით დო სტიმულაციათ, უკულ ეთმეჭოფუნა ოსურიშ მარქვალეფს დო თინეფს აჸოფიერენა ქომოლიშ სპერმათ ლაბორატორიას. უკულ ემბრიონს, დოხოლაფირო 2-6 დღაშ უკულ, გინმიღანა სასქუოშა კათეტერიშ გიმორინაფათ. ჸათე პროცესის უკულ მაჸუნუ მოკათუობა.
მაართა ბაღანა, ნამუქჷთ ჸათე პროცედურათ დებადჷ, რდჷ ლუიზა ბრაუნი, 1978 წანას. ინ ვიტრო გაჸოფიერაფაშ დუმარსხუაფალი რე ინგლისარი ექიმი რობერტ ედვარდსი, ნამუქჷთ ჸათე პროცედურაშ გოვითარაფაშ გეშა მიპალუ ნობელიშ პრემია ფიზიოლოგიაშ დო მედიცინაშ დარგის 2010 წანას. რობერტ ედვარდსიქ ინ ვიტრო გაჸოფიერაფაშ მეთოდი დარსხუ პატრიკ სტეპტოწკჷმა ართო.
ქოძირით თაშნეშე
რედაქტირაფარესურსეფი ინტერნეტის
რედაქტირაფა- UK IVF clinics and statistics. Human Fertilisation and Embryology Authority.
- US information, statistics, and lists on assisted reproductive technology. Centers for Disease Control and Prevention.