რობერტ ედვარდსი
სერ რობერტ ჯეფრი ედვარდსი (ინგლ. Sir Robert Geoffrey Edwards; დ. 27 ეკენია, 1925, ბატლი, ინგლისი — ღ. 10 პირელი, 2013, კემბრიჯი, ინგლისი) — ინგლისარი ფიზიოლოგი, რეპროდუქციული მედიცინაშ პიონერი, გინეკოლოგი პატრიკ სტეპტო დო მედდა ჯინ პერდიწკჷმა ართო მერჩქინელი რე ინ ვიტრო გაჸოფიერაფაშ პროცედურაშ დუმარსხუაფალო. მაართა ბაღანა, ნამუქჷთ ჸათე პროცედურათ დებადჷ, რდჷ ლუიზა ბრაუნი, 1978 წანას. ინ ვიტრო გაჸოფიერაფაშ გოვითარაფაშ გეშა ედვარდსიქ 2010 წანას მიპალუ ნობელიშ პრემია ფიზიოლოგიაშ დო მედიცინაშ დარგის.
| რობერტ ედვარდსი | |
| ინგლ. Robert Edwards | |
.jpg) რობერტ ედვარდსი 2010 წანას | |
| დაბადებაშ თარიღი: | |
|---|---|
| დაბადებაშ აბანი: |
ბატლი, ინგლისი |
| ღურაშ თარიღი: |
პირელი 10, 2013 (87 წანერი) |
| ღურაშ აბანი: |
კემბრიჯი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : |
კემბრიჯიშ უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჩინებული რე მუჭოთ: |
ინ ვიტრო გაჸოფიერაფაშ პროცედურაშ დუმარსხუაფალი |
| ჯილდოეფი დო პრემიეფი: |
ომაფე ჯარალუაშ მაკათური (1984) |
.svg){kind=small}
რობერტ ედვარდსი გურაფულენდჷ ბიოლოგიას, ბანგორიშ უნივერსიტეტის. უკულ გურაფა გაგინძორჷ ედინბურგიშ უნივერსიტეტიშ ჩხოლარეფიშ გენეტიკაშ დო ემბრიოლოგიაშ ინსტიტუტის, სოდეთ მიპალუ დოქტორიშ ხარისხი 1955 წანას, კონრად ჰელ უოდინგტონიშ ხემანჯღვერობათ.
გურაფაშ თებაშ უკული მუშენდჷ შხვადოშხვა ომენცარე ინსტიტუტეფს: კალიფორნიაშ ტექნოლოგიაშ ინსტიტუტის, სამედიცინო რკვიებეფიშ ერუანული ინსტიტუტის, კემბრიჯიშ უნივერსიტეტის. ედვარდსიქ, სტეპტოწკჷმა ართო 1980 წანას დარსხუ ბორნ ჰოლიშ კლინიკა. ედვარდსი რდჷ ომენცარე ჟურნალიშ "Human Reproduction"-იშ დუმარსხუაფალი დო რედაქტორი.
რესურსეფი ინტერნეტის
რედაქტირაფა- რობერტ ედვარდსი Nobelprize.org-ის
- რობერტ ედვარდსი ენციკლოპედია ბრიტანიკას
- Papers of Sir Robert Edwards and associated papers held at Churchill Archives Centre