იტალო კალვინო
იტალო კალვინო (იტალ. Italo Calvino; დ. 15 გჷმათუთა, 1923, სანტიაგო-დე-ლას-ვეგასი, კუბა — ღ. 19 ეკენია, 1985, სიენა, იტალია) — იტალიარი ჭარუ, ნოველისტი დო ჟურნალისტი. შინელი რე "ჩქინი წჷმოხონეფი"-შ ტრილოგიათ (1952-1958), თხობელუეფიშ კათელით "კოსმიკომიქსი" (1965) დო რომანეფით: "უძირაფუ ნოღეფი" (1972), "დო ზოთონჯიშ სერიშ მეშარე".
| იტალო კალვინო | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 19, 1985 (61 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1947–1985 |
| Magnum opus: |
|
| ნინა: | |
| ჯილდოეფი: |
საპატიო ლეგიონიშ ორდენიშ კომანდორი |
იტალო კალვინოქ დებადჷ კუბას. 1925 წანას კალვინოეფიშ ფანიაქ ოცხოვრებშა იტალიაშა მიდართჷ. იტალო კალვინო გურაფულენდჷ ტურინიშ უნივერსიტეტიშ აგრარულ ფაკულტეტის. ჸათე პერიოდის დეინტერესჷ ანტიფაშისტური ლიტერატურათ. 1943 წანას კალვინოქ გურაფა გაგინძორჷ ფლორენციაშ უნივერსიტეტის. 1944 წანას კალვინოქ ქაკათჷ იტალიარი კომუნისტეფიშ პარტიზანულ ბუნას გარიბალდიშ ბრიგადა-ს. მუსოლინიშ ფაშისტური რეჟიმიშ გინორაგვაფაშ უკულ, კალვინოქ ტურინს ქიდიხორჷ დო მალას იტალიაშ კომუნისტური პარტიაშ მაკათურო გინირთჷ. 1956 წანაშ უნგრეთიშ მოლინეფიშ უკულ, კომუნისტური პარტია ქიდიტუ.
იტალო კალვინოქ ლიტერატურული კარიერა 1940-იან წანეფს დიჭყჷ. ჸათე პერიოდის გჷმაბჟინუ მუში მაართა ნაჭარეფი. კალვინო რე ავტორი რომანეფიშ, კუნტა თხობელუეფიშ, ესსეეფიშ დო ავტობიოგრაფიული ნაწარმებეფიშ. კალვინოშ ნაჭარეფიშ სიუჟეტეფს რე გერსხილი შხვადოშხვა იტალიური კინო-ფილმეფი.
კალვინო რდჷ შხვადოშხვა პრემიეფიშ დო ჯილდოეფიშ ლაურეატი. რდჷ საპატიო ლეგიონიშ ორდენიშ კომანდორი (1981) დო ავსტრიაშ სახენწჷფო პრემიაშ ლაურეატი (1976). თაშნეშე მიპალუ ვიარეჯოშ, ფელტრინელიშ დო ბაგუტაშ პრემიეფი.
იტალო კალვინოქ ღურუ 1985 წანაშ 19 ეკენიას. ნთხორილი რე ტოსკანაშ კასტილიონე-დელა-პესკაიაშ სასაფლას.
ლიტერატურა რედაქტირაფა
- Cannon, JoAnn (1981). Italo Calvino: Writer and Critic. Ravenna: Longo Press.
- Markey, Constance (1999). Italo Calvino. A Journey Toward Postmodernism. Gainesville: Florida University Press.