კარაკასი
კარაკასი (ესპ. Caracas, ოფიციალურო Santiago de León de Caracas) — ვენესუელაშ ნანანოღა დო უშხუაში ნოღა. იდვალუაფუ ვენესუელაშ ოორუე ნორთის, კარაკასიშ ინწრო ლეხერს, ვენესუელაშ წყარპიჯიშ მასივს (კორდილიერა-დე-ლა-კოსტა), ზუღაშ დონეშე 760-910 მეტრის. ნოღაშ მახორობა აკმადგინანს 1,945,901 მლნ-ს (2017), ედომუშამ მეტროპოლიას 2,967,626 (2017).
| ნანანოღა
კარაკასი
|
კარაკასი, მოსოფელიშ ართ-ართ არძაშე ოშქურანჯი ნოღათ იკოროცხუ; ჸვილუეფიშ მუდანობა კარაკასის 100 000 შურ მახორუშა წანმოწანას 140-შახ ანჭუ დო თე მაძირაფალით ნოღა მოსოფელს მაართა აბანს რე[1].
ისტორია
რედაქტირაფაკარაკასიშ დორსხუაფაშახ, დოხოლაფირო 400 წანაშ კინოხ, კარაკასიშ ლეხერი აბანობურეფით რდჷ დოხორელი. 1562 წანას, წყარპიჯიშ ღოზის ნთელი რანწკი ნოღეფიშ გორჩქინაშ უკული, ესპანარი კაპიტანიშ ქომოლსქუაქ, ფრანსისკო ფახარდოქ თე ლეხერს ცადჷ დოხორელი პუნქტიშ აკოგაფა. მარა თე ოხორუეს დიდხანს ვაურსებუ, თიშ გეშა ნამჷ-და თინა აბანურეფქ აკორაბადუეს. თენა აბანურეფშე ბოლო არყება რდჷ. 1567 წანაშ 25 კვირკვეს, ასე უკვე კაპიტან დიეგო ლეონქ თე აბანს კინ წჷმიჭყჷ ნოღაშ აკოგაფა დო თის სანტაიგო-დე-ლეონ-დე-კარაკასი გიოდჷ.
XVII ოშწანურას, ვენესუელაშ წყარპჯიშ ღოზი კორსანტეფშე შხირ გენთხაფეფს გჷნიცადენდჷ, მარა თეჸურეშე კარაკასი ძალამი თხილერი რდჷ ორთაშბური ბარიერით, წყარპიჯიშ გვალეფიშ მასივით. თე ფაქტიქ, კარაკასი რეგიონიშ უთარაშ ნოღათ გჷნართინუ.
რესურსეფი ინტერნეტის
რედაქტირაფა
- Alcaldía Mayor del Distrito Metropolitano de Caracas Archived 2018-09-18 ვებ-ხასჷლას Wayback Machine.
- Alcaldía del Municipio Libertador Archived 2013-10-06 ვებ-ხასჷლას Wayback Machine.
- Alcaldía del Municipio Baruta Archived 2006-02-15 ვებ-ხასჷლას Wayback Machine.
- Alcaldía del Municipio Chacao
- Alcaldía del Municipio El Hatillo
- Alcaldía del Municipio Sucre
- Cabildo Metropolitano Archived 2009-02-18 ვებ-ხასჷლას Wayback Machine.
- კარაკასი, ენციკლოპედია ბრიტანიკა