კატმაი

კატმაი (ინგლ. Katmai) — მოქიმინჯე ვულკანი ოორუე ამერიკას, ალასკაშ ჩქონს, ალეუტიშ ქჷნდჷრიშ ოორუე ნორთის. სიმაღალა 2047 მ. ეგაფილიე ანდეზიტეფით დო დაციტეფით. 1912 წანაშ 6 მანგის მოხვადჷ უნძალიერაშ ეშაგორგოთიქ; კრატერიშ აბანს წჷმიქიმინჷ კალდერაქ ტობათ, ნამუშ ზჷმეფიე 4,5×3 კმ. სიტომბა დოხოლაფირო 1200 მ. ეშაგორგოთიშ უკული კალდერას მოხვადჷ ლონტყო ლავაშ უშანულო ეშაგორგოთიქ, ნამუქჷთ აკოქიმინჷ ვულკანური გუმბათი. 1956 წანას კინე ოხოლჷდჷ ნძალიერი აფეთქებეფი. კატმაი სტრატოვულკანიე. ეშაგორგოთის წოხოლე უწორუანდჷ ვულკანური დიხაშ ნწალუა. კატმაშ კართეეფიშ თუდონი ნორთი გოქუნელიე ფიჭვიშ ტყათ, ჟინ ნორთის გვალაშ ტუნდრა რე. ოორუე კართეს ჯიშთეფიე. მიშმურს კატმაიშ ერუანული პარკიშ აკოდგინალუაშა. ხე ალასკაშ მურა თუნთი, აბხვადუნა მაფურინჯეეფიშ 150 გვარობა.

კატმაი
კატმაი დო კრატერული ტობა, 1980 წანაშ ეკენია
კოორდინატეფი: 58.278611,-154.95691758°16′43″ ოორ. გ. 154°57′24.9″ ბჟად. გ.
ორენი		ააშ
სიმაღალა		3053 მ
ქჷნდჷრი		ალეუტიშ ქჷნდჷრი
ტიპი		სტრატოვულკანი
ბოლო ეშაგორგოთი		1912

რესურსეფი ინტერნეტის

• კატმაი — დიდი სხუნუეფიშ ენციკლოპედია^{[ღურელი რსხილი]} (რუს.)
• კატმაი — გეოგრაფიული ენციკლოპედია (რუს.)
• კატმაი — ინფორმაცია Archived 2014-08-26 ვებ-ხასჷლას Wayback Machine. (ინგლისური)