სტრატოვულკანი
სტრატოვულკანი, ფალამი ვულკანი (ლათ. stratum - ფა დო ვულკანი) — ესვარილი ვულკანი, ნამუშ კონუსი აკოგაფილი რე ართიანიშ მოთირე დამანგარებული ლავური ფშალეფიშ დო ლავაშ აკოცემენტაფილი (ლავა, ტეფრა, პემზა, ვულკანური ნაჭვი) ნოტეხეფშე. წჷმიქიმინუ ლავაშ ეშაწიმაშ დო ვულკანიშ აფეთქებათ ქიმინჯალაშ ბორჯის.
.jpg)
ფარიშობური ვულკანშე გინორთელო, სტრატოვულკანი იხასიათებუ ახრა პროფილით დო პერიოდული, ფეთქებაფონი ეშაგორგოთუეფით. კონუსიშ სიმაღალა მუსხირენ ვითობათ მეტრიშე მუსხირენ კილომეტრშახ რე. ძაბრიშობური კრატერიშ დიამეტრი - ვითობათ მეტრიშე 2-3 კილომეტრშახ. ეშაწიმილი ლავა გიშეგორუაფუ ჭაბურობაშ მაღალი ხარისხით, ნამუთ ვაცილჷ თიშ კაბეტ გოძვენაშა გოფაჩუას.
არძაშე ჩინებული სტრატოვულკანეფი რე კრაკატაუ, ნამუქჷთ არძაშე მასშტაბურო 1833 წანას ეშაგორგოთუ დო ვეზუვი, ნამუშ ეშაგორგოთუაქ ჩქ.წ. 79 წანას ნოღეფი, პომპეი დო ჰერკულანუმი მოჯალაგუ.
შანულამი სტრატოვულკანეფი რე თაშნეშე კლიუჩევსკაია-სოპკა, ფუძიამა დო შხვ.