კეიტ უინსლეტი
კეიტ ელიზაბეთ უინსლეტი (ინგლ. Kate Elizabeth Winslet; დ. 5 გიმათუთა 1975) — ბრიტანეთიშ იმპერიაშ ორდენიშ მაღვენჯი ინგლისარი არტისტი. შხვადოშხვა ბორჯის 6-შა რდჷ ნომინირაფილი ოსკარიშ პრემიას. გიმორძგჷ ხვალე ართშა ნომინაციას საუჯგუშო არტისტი ოსურიშ რსულებური როლიშო ფილმის „მაკითხერი“. დოჯილდაფირი რე კინოარტისტეფიშ გილდიაშ, ბრიტანული კინოაკადემიაშ, ჰოლივუდიშ გალენ ქიანაშ პრესაშ ასოციაციაშ პრემიეფით; ხოლო 2-შა რდჷ ნომინირაფილი ემიშ პრემიას დო 3-შა ორქოშ გლობუსის.
| კეიტ უინსლეტი | |
.jpg) | |
| დაბადებაშ ჯოხო | კეიტ ელიზაბეთ უინსლეტი |
| დაბადებაშ აბანი | რედინგი, დიდი ბრიტანეთი |
| დებადჷ | 5 გჷმათუთა, 1975 |
| საქვარუა | არტისტი |
| აკოქიმინჯალაშ წანეფი | 1991–ასეშა |
| ალმასქუ(ეფი) | ჯიმ თრიპლტონი (1998–2001) სემ მენდესი (2003–2010) |
| აკადემიაშ ჯილდოეფი | |
|---|---|
| ოსკარი | |
| ორქოშ გლობუსიშ ჯილდოეფი | |
| ორქოშ გლობუსი | |
| BAFTA ჯილდოეფი | |
| BAFTA | |
კარიერა დიჭყჷ 1991 წანას ართ-ართ ბრიტანულ ტელესერიალს. კინოდებიუტიქ აჸუ 1994 წანას ფილმის „ცალური სქილედეფი“, მუშ უკულით კინოკრიტიკოსეფქ უინსლეტიშ მოქიმინჯალა დადებითო აფასეს. უკული რდჷ ფილმეფი „გინაფა დო გონება“ დო „ტიტანიკი“. ათე ეკონიაქ იჸუ უინსლეტიშ კარიერას არძაშე ხვემიშმალუანი კინოთ.
2000 წანაშე მოჸუნელი უინსლეტიშ კინომოქიმინჯალას კინოკრიტიკოსეფი მაღალ ფასებას არზენა. ათე პერიოდის ოშინალი რე რსულებური როლეფი ფილმეფს: „მარკიზ დე სადიშ კალამი“ (2000), „აირისი“ (2001), „ერებამი გონებაშ ირიათოიანი სინთელუა“ (2004), „ჯადური ქიანა“ (2004), „ჭიჭე ბაღანეფი“ (2006), „მაკითხერი“ (2008), „რევოლუციური შარა“ (2008). ეკონია ფილმის რსულებური როლიშ უკული New York Magazine-იშ ამერიკალი კინოკრიტიკოსიქ დევიდ ედელშტეინქ შინუ:
|
„კეიტ უინსლეტი რე მუში მოითირიშ ინგლისურ ნინას მორაგადე საუჯგუშო არტისტი.“
|
კომერციული თოლწონუათ უინსლეტიშ წჷმოძინელი ნამუშერეფი რე რომანტიკული კომედია „შვებულება გინოთირუათ“ დო ანიმაციური ფილმი „ინორჩხილი“ (ჟირხოლო 2006). ათე ეკონიას ახონარენს ართ-ართ პერსონაჟის.
ბიოგრაფია რედაქტირაფა
კეიტ უინსლეტიქ დებადჷ 1975 წანაშ 5 გჷმათუთას ნოღა რედინგის, მუამუშიშ ონჩურე ღანჩოეფიშ კონტრაქტორიშ როჯერ უინსლეტიშ დო დიამუშიშ მებუფეტეშ სალი ბრიჯესიშ ფანიას. ჸუნს ჟირი და დო ართი ჯიმა. კეიტიშ უნჩაში და ანა დო უკლაში და ბეთი ხოლო არტისტეფი რენა. ჸუნს უკლაში ჯიმა.
კეიტ უინსლეტიქ 11 წანაშ ასაკის რედრუფიშ სკოლაშ თეატრის დიჭყჷ დრამას გურაფა. ართი წანაში უკული გჷმორჩქინდჷ ოტელევიზიე რეკლამას. მუჭოთ არტისტიქ კარიერა დიჭყჷ 1991 წანას, მუჟამსჷთ მიღჷ როლი ართ-ართ ოტელევიზიე სერიალს. 1990-იანი წანეფიშ დაჭყაფურს პარალელურო გიშეშჷ თეატრისჷთ. უინსლეტიშ მაართა არძაშე შანულამ გოხუალაქ კინემატოგრაფიას მოხვადჷ 1994 წანას პიტერ ჯექსონიშ ფილმის „ცალური სქილედეფი“. 1996 წანას თიქ აკათჷ მაიკლ უინტერბოტომიშ ფილმის „ჯუდი“.[1][2]უინსლეტიშ რსულება დადებითო აფასესჷ[3]
შხვადოშხვა ბორჯის აჸუ ოლაჸაფექ ფილმეფს: „ტიტანიკი“, „მარკიზ დე სადიშ კალამი“, „დევიდ გეილიშ რინა“, „ჯადური ქიანა“, „ერებამი გონებაშ ირიათოიანი სინთელუა“, „მაფაშ ედომუშამი მახვენჯეფი“, „მაკითხერი“ დო შხვ. ოსკარიქ მიაჩჷ რსულებური როლიშო ფილმის „მაკითხერი“. მიპალუ 3 ორქოშ გლობუსი დო 2 ბაფტა, ხოლო გრემიშ დო ემიშ პრემიაქ. ოსკარიშ პრემიას გვალო აკოძინელო 6-შა რდჷ ნომინირაფილი.
ფილმოგრაფია რედაქტირაფა
| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1991 | ს | წკურუმია სეზონი | Dark Season | რიტა |
| 1992 | ს | უკახალე მეღება | Get Back | ელეანორი |
| 1994 | ფ | ცალური სქილედეფი | Heavenly Creatures | ჯულიეტი |
| 1995 | ფ | მაართა აიარი მაფა ართურიშ კარს | A Kid in King Arthur's Court | პრინცესა სარა |
| 1995 | ფ | გინაფა დო გონება | Sense and Sensibility | მარიანა |
| 1996 | ფ | ჯუდი | Jude | სიუ |
| 1996 | ფ | ჰამლეტი | Hamlet | ოფელია |
| 1997 | ფ | ტიტანიკი | Titanic | როუზი |
| 1998 | ფ | ექსპრესი მარაკეშის | Hideous Kinky | ჯულია |
| 1999 | ფ | ჰარი ფერიეფიშ ქიანას | Faeries | ბრიჯიტი |
| 1999 | ფ | წიმინდა ფურკი | Holy Smoke! | რუთ ბარონი |
| 2000 | ფ | მარკიზ დე სადიშ კალამი | Quills | მედი |
| 2001 | ფ | ენიგმა | Enigma | ესტერი |
| 2001 | ფ | საქირსო ამბე | Christmas Carol: The Movie | ბელი |
| 2001 | ფ | აირისი | Iris | აირის მერდოკი |
| 2003 | ფ | დევიდ გეილიშ რინა | The Life of David Gale | ბიტსი |
| 2004 | ფ | ერებამი გონებაშ ირიათოიანი სინთელუა | Eternal Sunshine of the Spotless Mind | კლემენტინა |
| 2004 | ფ | ჯადური ქიანა | Finding Neverland | სილვია |
| 2005 | ფ | ჸოროფა დო სიგარეტეფი | Romance & Cigarettes | ტულა |
| 2006 | ფ | მაფაშ არძა კოჩი | All the King's Men | ენ სტენტონი |
| 2006 | ფ | ჭიჭე ბაღანეფი | Little Children | სარა |
| 2006 | ფ | ინნარჩხი | Flushed Away | რიტა |
| 2006 | ფ | შვებულება გინოთირუათ | The Holiday | აირისი |
| 2006 | ფ | წყარსგიმეიანი ოქიანეშ ფულირეფი | Deep Sea 3D | მთხრობელი |
| 2008 | ფ | ძღაბი დო მელა | The Fox and the Child | მთხრობელი |
| 2008 | ფ | მაკითხერი | The Reader | ჰანა |
| 2008 | ფ | რევოლუციური შარა | Revolutionary Road | ეიპრილი |
| 2011 | ს | მილდრედ პირსი | Mildred Pierce | მილდრედ პირსი |
| 2011 | ფ | ინფიცირაფა | Contagion | ერინ მირსი |
| 2011 | ფ | ჭყვადუა | Carnage | ნენსი |
| 2014 | ფ | ხანდაშ დღა | Labor Day | ადელ უილერი |
| 2015 | ფ | სტივ ჯობსი | Steve Jobs | ჯოანა ჰოფმანი |
რესურსეფი ინტერნეტის რედაქტირაფა
სქოლიო რედაქტირაფა
- ↑ Jude (1996). Metacritic. კითხირიშ თარიღი: 4 February 2009.
- ↑ Jude — Box Office Data. The Numbers (9 August 2007). კითხირიშ თარიღი: 4 February 2009.
- ↑ Corliss, Richard. “Grim Rapture“, Time magazine, 28 October 1996. კითხირიშ თარიღი: 4 February 2008.