კიოტოშ პრემია
კიოტოშ პრემია (იაპ. 京都賞) რე იაპონიაშ ართ-ართი უმაღალაში ჯილდო, ნამუთ გინმიჩამუ მენცარობეფიშ დო ხელუანობეფიშ შხვადოშხვა დარგეფს (ტექნოლოგიეფი, ბაზისური მენცარობეფი, ხელუანობა დო ფილოსოფია). პრემია დარსხჷ 1985 წანას ინამორიშ ფონდიქ, შინელი იაპონარი ფილანთროპიშ კაძუო ინამორიშ ფინანსური ხეშენწყუალათ. პრემია ირწანიანი რე დო პრემიაშ გინოჩამაშ ცერემონიალი იმანჯებჷ იაპონიაშ ნოღა კიოტოს. ჯილდო იკათუანს 20 კარატიან ორქოშ მენდალს დო 100 მილიონი იენაშ მუდანობაშ ფინანსურ პრემიას. 2015 წანაშ მუნაჩემეფით არძოშე უმოსი ლაურეატი ჸუნს ააშ-ს (44), იაპონიას (19), გოართოიანაფილ ომაფეს (12) დო საფრანგეთის (8). კიოტოშ პრემია იაპონიაშ ართ-ართი პრესტიჟული ჯილდო რე დო თის ნობელიშ პრემიაშ იაპონურ ვერსიას ხოლო უძახუნა.
_2013-11-03_17-37.jpg)