კურტ ალდერი (გერმ. Kurt Alder; დ. 10 კვირკვე, 1902, ხოჟუვი, გერმანიაშ იმპერია — ღ. 20 მანგი, 1958, კელნი, გფრ) — გერმანალი ქიმიკოსი, ალკადიენეფიშ სინთეზიშ (დილსი-ალდერიშ რეაქცია) გეშა გინოჩეს ნობელიშ პრემია ქიმიაშ დარგის 1950 წანას (ოტო დილსიწკჷმა ართო). დილსიშ დო ალდერიშ ციკლურ ორგანული ნაერთეფიშ სინთეზიშ მეთოდის უკულ გიარსხუ სინთეზური კაუჩუკიშ დო პლასტმასიშ მასიური წარმებაშ გოვითარაფაქ. კურტ ალდერი გურაფულენდჷ ქიმიას ბერლინიშ უნივერსიტეტის დო უკულ კილიშ უნივერსიტეტის, სოდეთ 1926 წანას თხილუ ოდოქტორე დისერტაცია ოტო დილსიშ ხემანჯღვერობათ. 1934 წანაშე ალდერი რდჷ კილიშ უნივერსიტეტიშ ქიმიაშ ლექტორი. 1936 წანაშე მუშენდჷ ქიმიურ დო ფარმაცევტიულ კომპანია IG Farben-ს. 1940 წანაშე ალდერი რდჷ კელნიშ უნივერსიტეტიშ ექპერიმენტალური ქიმიაშ პროფესორი. რე შხვადოშხვა მენცარული რკვიებეფიშ, ნაჭარეფიშ დო პუბლიკაციეფიშ ავტორი.

კურტ ალდერი
გერმ. Kurt Alder
Kurt Alder Nobel.jpg
დაბადებაშ თარიღი:

10 კვირკვე, 1902

დაბადებაშ აბანი:

ხოჟუვი, გერმანიაშ იმპერია

ღურაშ თარიღი:

მანგი 20, 1958 (55 წანერი)

ღურაშ აბანი:

კელნი, გფრ

მენოღალობა:

გერმანიაშ შილა გერმანია

ომენცარე სფერო:

ქიმია

სამუშაშ აბანი :

IG Farben
კელნიშ უნივერსიტეტი

ალმა-მატერი:

ბერლინიშ უნივერსიტეტი
კილიშ უნივერსიტეტი

ომენცარე ხემანჯღვერი:

ოტო დილსი

ჯილდოეფი დო პრემიეფი:

ნობელიშ პრემია ქიმიას (1950)

რესურსეფი ინტერნეტისრედაქტირაფა