ლევან I დადიანი
ლევან I დადიანი — ოდიშიშ ერიშდუდი (1533-?) დო ოდიშიშ თარი (?-1572), მამია III დადიანიშ ქომოლსქუა. პირველაშე ლევან I დადიანი ჩინებულენდჷ იმერეთიშ მაფა ბაგრატ III-შ უჟინაშობას დო ერიშდუდიშმადუდეეფიშ ტიტულით უღუდჷ, მარა, თიმ ბორჯის, რსული ზოხორინალაშო იბურჯუდჷ. 1548 წანას, ბაგრატ III-ქ ლევან I დადიანი ოსხუნუეთ ქჷმიჭანუ, ოჭოფჷ დო დოხვილჷ გელათიშ ორეკაშეს, სოიშე თიქ სამცხეშ ათაბაგი ქაიხოსრო III-შ ხეშენწყუალათ სამცხეშა ინტჷ. უკული ლევან I დადიანქ როსტომ გურიელიშ მოხვარათ დირთინჷ სათაროშ ხვისტა. 1568 წანას, ლევან I დადიანს იმერეთიშ მაფა ბაგრატ III-ქ დო გიორგი II გურიელქ ქაწუდირთეს დო აძვილებურქ იჸუ სტამბოლშა მიდურთუმუდუკონ. თურქეთიშ ხეშუულობაქ იჩინჷ ზოხორინალა იმერეთიშ ომაფეშე. ლევან I დადიანქ ხენწიფეშ ტიტული მიღჷ. თიქ ოსმალეფიუშ მოხვარათ გურიაშ თარს შერიგჷ; თინეფქ ჭილაძეეფიშ ოპალუე ქიდიჸუნუეს დო გეგნირთეს.
| ლევან I | |
 | |
| ლევან დადიანიშ ფრესკა წალენჯიხაშ ოკათედრე ოხიდას | |
| ოდიშიშ თარი | |
| დუდალ. დაჭყაფუ: | 1533 |
|---|---|
| დუდალ. დათებუ: | 1572 |
| წიმოხონი: | მამია III |
| მონძე: | გიორგი III |
| დაბ. თარიღი: | |
| სქუალეფი: | მამია IV დადიანი, გიორგი III დადიანი, მანუჩარ I დადიანი |
| დინასტია: | დადიანეფი |
| მუმა: | მამია III დადიანი |
ლიტერატურა
რედაქტირაფა- ბერაძე თ., ქორთული სხუნუეფიშ ენციკლოპედია, ტ. 6, ხს. 157, ქართი, 1983 წანა.