ლეონ მაქს ლედერმანი

ლეონ მაქს ლედერმანი (ინგლ. Leon Max Lederman; დ. 15 კვირკვე, 1922, ნიუ-იორკი, ააშ — ღ. 3 გჷმათუთა, 2018, რექსბურგი, აიდაჰო, ააშ) — ამერიკალი ექსპერიმენტალური ფიზიკოსი. გურაფულენდჷ ნეიტრინოშ, კვარკიშ, ლეპტონიშ სტრუქტურას. 1988 წანას გინოჩეს ნობელიშ პრემია ფიზიკაშ დარგის (მელვინ შვარცი დო ჯეკ სტეინბერგერიწკჷმა ართო). ლედერმანი რდჷ ფერმილაბიშ დირექტორი ემერიტუსი, ბეტეივიას, ილინოისის. 1986 წანას დარსხუ ილინოისიშ მათემატიკაშ დო მენცარობაშ აკადემია.

ლეონ მაქს ლედერმანი
ინგლ. Leon Max Lederman
HD.3F.001 (11086394836).jpg
დაბადებაშ თარიღი:

15 კვირკვე, 1922

დაბადებაშ აბანი:

ნიუ-იორკი, ააშ

ღურაშ თარიღი:

გჷმათუთა 3, 2018 (96 წანერი)

ღურაშ აბანი:

რექსბურგი, აიდაჰო, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

კოლუმბიაშ უნივერსიტეტი
ფერმილაბი
ილინოისიშ ტექნოლოგიაშ ინსტიტუტი

ალმა-მატერი:

სიტი-კოლეჯი
კოლუმბიაშ უნივერსიტეტი

ჯილდოეფი დო პრემიეფი:

ნობელიშ პრემია ფიზიკას (1988)
ვულფიშ პრემია (1982)
მენცარობაშ ერუანული მენდალი (1965)
ვენივერ ბუშიშ პრემია (2012)
უილიამ პროქტერიშ პრემია (1991)

ბიოგრაფიარედაქტირაფა

ლეონ მაქს ლედერმანქ დებადჷ ნიუ-იორკის, 1922 წანაშ 15 კვირკვეს, უკრაინალი ურიეფიშ ფანიას. გურაფულენდჷ ჯეიმზ მონროშ ჯოხონობაშ სკოლას, უკულ სიტი-კოლეჯის, სოდეთ მიპალუ ბაკალავრიშ ხარისხი 1943 წანას. სიტი-კოლეჯიშ უკულ გურაფა გაგინძორჷ კოლუმბიაშ უნივერსიტეტის, სოდეთი თხილუ ოდოქტორე დისერტაცია ფიზიკას. გურაფაშ თებაშ უკულ მუშობა დიჭყჷ კოლუმბიაშ უნივერსიტეტის, პროფესორო. 1960 წანას მუშენდჷ CERN-ის ხოლო. 1979 წანაშე რდჷ კომპანია Fermilab-იშ დირექტორი (1989 წანაშა). ლედერმანი ოგურუანდჷ ჩიკაგოშ უნივერსიტეტის ხოლო, უკულ გინორთჷ ილინოისიშ ტექნოლოგიაშ ინსტიტუტშა. ლედერმანი რდჷ ნობელიშ პრემიაშ, ენრიკო ფერმიშ პრემიაშ, ვულფიშ პრემიაშ, ვენივერ ბუშიშ პრემიაშ, უილიამ პროქტერიშ პრემიაშ დო შხვა პრემიეფიშ ლაურეატი.

პერსონალური რინარედაქტირაფა

ლედერმანიშ მაართა ოსური რდჷ ფლორენს გორდონი დო ჸუნდუ სუმი სკუა. ლედერმანიშ მაჟია ოსური რდჷ ელენ კარი. ლედერმანქ ლახალა დემენციაშ კურნალობაშ ხარჯეფიშ გურშენ, გეგმოჩუ ნობელიშ პრემიაშ მენდალი, 2015 წანას, 765,000 დოლარშა. ღურჷ დემენციათ 2018 წანაშ 3 გჷმათუთას, 96 წანერქ, რექსბურგის, აიდაჰოს.

პუბლიკაციეფირედაქტირაფა

  • The God Particle: If the Universe Is the Answer, What Is the Question? by Leon M. Lederman, Dick Teresi
  • From Quarks to the Cosmos by Leon Lederman and David Schramm
  • Portraits of Great American Scientists by Leon M. Lederman, et al.
  • Symmetry and the Beautiful Universe by Leon M. Lederman and Christopher T. Hill
  • "What We'll Find Inside the Atom" by Leon Lederman, an essay he wrote for Newsweek, 15 September 2008
  • Quantum Physics for Poets by Leon M. Lederman and Christopher T. Hill
  • Beyond the God Particle by Leon M. Lederman and Christopher T. Hill

რესურსეფი ინტერნეტისრედაქტირაფა