ლეოპოლდ ფონ რანკე
ლეოპოლდ ფონ რანკე (გერმ. Leopold von Ranke; დ. 21 ქირსეთუთა, 1795 — ღ. 23 მესი, 1886) — გერმანალი ისტორიკოსი. დარსხუ ისტორიული წყუეფიშ კრიტიკული რკვიებაშ მეთოდი დო გურაფაშ სემინარული წესი. რანკე კაბეტი შანულობას არძენდჷ არქივეფიშ რკვიებას დო ისტორიული დოკუმენტეფიშ ანალიზის. რანკეშ იდეეფქ დიდი გოლინა იღვენუ ბჟადალური ისტორიოგრაფიაშა. რანკე მავითოჩხორა ოშწანურაშ გერმანული ისტორიოგრაფიაშ ართ-ართი უდიდაში ფიგურათ რე მერჩქინელი. თიში ნახანდეფიშე ეიოშინალი რე: "ობჟათე ევროპაშ თარეფი დო კათეფი XVI-XVII ოშწანურეფს", "რომიშ პაპეფიშ ეკონია ოთხი ოშწანურა", "საფრანგეთიშ ომენოღალე ლჷმეფი დო მონარქია XVI-XVII ოშწანურეფს", "გერმანული ხეშულობეფი დო თარეფიშ ლიგა", "ჰარდენბერგი დო პრუსიაშ სახენწჷფოშ ისტორია 1793-1813 წანეფს" დო შხვა.
| ლეოპოლდ ფონ რანკე | |
| გერმ. Leopold von Ranke | |
_-_1875.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 23, 1886 (90 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯოხოშინელი მოგურაფეეფი: |
ჰენრიხ ფონ ზიბელი |
| ჯილდოეფი დო პრემიეფი: |
ცერინგენიშ ნჯილოშ ორდენი (1856) |
| ხეშმოჭარუა: |
|
.svg){kind=small}
ლეოპოლდ რანკექ დებადჷ საქსონიაშ ნოღა ვიეს. ბაღანობაშე დეინტერესჷ ჯვეში ბერძენული დო ლათინური ნინეფით, თაშნეშე ლუთერანული მონძღვარუათ. 1814 წანას გემშართჷ ლაიფციგიშ უნივერსიტეტიშა, სოდეთ კლასიკური მენცარობეფს დო თეოლოგიას გურაფულენდჷ. სტუდენტობაშე რანკე დაინტრესებული რდჷ თუკიდიდეთ, ტიტუს ლივიუსით, დიონისე ჰალიკარნასალით, იმანუელ კანტით, ფრიდრიხ შლეგელით დო შხვა ისტორიკოსეფით დო ავტორეფით. რანკეს ნაკლებო ოინტერესუდჷ თეხანური ისტორია, მუშენდა თვალუნდჷ ნამდა თეხანური ისტორიკოსეფიშ ნაჭარა წინგეფი ხვალე სქირე ფაქტეფიშ კოლექცია რდჷ.
1817-1825 წანეფს რანკე მუშენდჷ მაგურაფალო ოდერიშ ფრანკფურტიშ გიმნაზიას. ჸათე პერიოდეფიშე დეინტერესჷ რანკექ ისტორიათ. რანკექ ომენცარე კარიერა 1824 წანას დიჭყჷ. ჸათე წანას გჷმაბჟინუ მუში მაართა ნახანდი "ლათინური დო ტევტონური კათეფიშ ისტორია 1494-1514 წანეფს". ჸათე ნახანდიშ ოჭარალო თიქ გიმირინუ დიდი მუდანობაშ ისტორიულო წყუეფი, მემუარეფი, დღარეფი, თარობული დო დიპლომატიური დოკუმენტეფი.
1825 წანას რანკექ მუშობა ქიდიჭყჷ ბერლინიშ უნივერსიტეტის. ჸათაქ თინა 50 წანაშ გოძვენას მუშენდჷ. რანკე კონსერვატორი რდჷ დო ფშხირას აკრიტიკენდჷ ლიბერალურ იდეეფს.
გიშნაგორა ნახანდეფი
რედაქტირაფა- რომაული დო გერმანული კათეფიშ ისტორია 1494 წანაშე 1514 წანაშახ (1824)
- სერბეთიშ რევოლუცია (1829)
- ობჟათე ევროპაშ თარეფი დო კათეფი XVI-XVII ოშწანურეფს
- რომიშ პაპეფიშ ეკონია ოთხი ოშწანურა (1834–1836)
- ბრანდენბურგიშ ჸუდეშ მემუარეფი დო პრუსიაშ ისტორია XVII-XVIII ოშწანურეფს (1847–1848)
- საფრანგეთიშ ომენოღალე ლჷმეფი დო მონარქია XVI-XVII ოშწანურეფს (1852–1861)
- გერმანული ხეშულობეფი დო თარეფიშ ლიგა (1871–1872)
- რევოლუციური ლჷმეფიშ დაჭყაფური 1791-1792 წანეფს (1875)
- ჰარდენბერგი დო პრუსიაშ სახენწჷფოშ ისტორია 1793-1813 წანეფს (1877)
- მოსოფელიშ ისტორია: რომიშ რესპუბლიკა დო მოსოფელიშ მართუალა, ჟირი ტომო (1886)