ლიანეფი ევროპულ ტყას, ზაგორიე (სლოვაკეთი)

ლიანეფი (ფრანგ. liane ხ. რ.) — ჩანარეფი, ნამუეფსჷთ მუდგაინი გიოპონუშ უმუშო გერინა ვეშულებჷნა. ქორთულ ბოტანიკურ ლიტერატურას კანკალეშა თე შანულობათ გჷმირინუაფუ ტერმინი „ლეშამბოები“. ლიანეფიშ უმენტაშობა პიოლამი ჩანარეფი რე; ტარკალეთასამეფშე ლიანეფს გნეტუმიშ მუსხირენი გვარობა ორხველჷ; ლიანეფი რენა გვიმარაშნერეფიშ შქასჷთ. გიოპონუს მიკოღანკუაშ ხასიათიშ მეჯინათ გიშმართჷნა კარკატია დო ღოღაია ლიანეფს. კარკატია ლიანეფი გიოპონუს მუკი-მუკი გარსხუპჷნა; ღოღაია ლიანეფი — გიოპონუს მიკმაღანკჷნა ოშმეშეფით, გიშაკერძაფილი ჯინჯეფით, ძიგირით, ქვადაცეფით დო შხვა. გიოპონუს მეკარკატაფაშ დო ღოღაიაშ შილებუამობა ჩანარეფს გეგმიმუშეს მუჭოთ მენწყუაფა სინეშო ობურჯეთ.

ლიანეფი უმენტაშო გოფაჩილი რე ტროპიკულ ორტყაფუს (200-შე უმოსი გვარობა), ზჷმიერ ორტყაფუს ელაზჷმაფათ მორჩილო რე (200-მშახ გვარობა). საქორთუოს ლიანეფი (კალიე, ცურუ, წირღუ, მუჸია დო შხვა) მიარეთ რე კოლხეთიშ ტყალეფს, სოდე შხირას ურზუმი ბარდეფს აკმოქიმინჷნს.

კულტურული ჩანარეფშე ლიანეფს ორხველჷ: ბინეხი, ლებია, ბარდონი, ფშალე, ვანილი დო შხვა. ტროპიკულ ქიანეფს ლიანეფშე ბეჭჷნა კალათეფს, ხაბაკის. ფართეთ გირინუანა წვანე აკოგაფას (სამანგ., ამერიკული ჩიტიშ ჸურზენი, ცურც, ჸურზენიშ ვარდი, პუერარია). კანკალეს (სამანგ., ძარძუხუშ მუსხირენ გვარობას) ბინეფსჷთ მოჸუნა.

თაშნეშე ქოძირითრედაქტირაფა

ლიტერატურარედაქტირაფა

  • ჩიკვაიძე ჯ., ქსე, ტ. 6, გვ. 212, თბ., 1983