ლოთარ მაიერი
იულიუს ლოთარ მაიერი (გერმ. Julius Lothar Meyer; დ. 19 მარაშინათუთა, 1830, ფარელი, ოლდენბურგიშ ოჰერცოგე — ღ. 11 პირელი, 1895, ტიუბინგენი, ვიურტემბერგიშ ომაფე) — გერმანალი ქიმიკოსი, ნამუქჷთ მიშეღჷ დიდი თია ქიმიური ელემენტეფიშ პერიოდული სისტემაშ ადრეიან ვერსიაშ გოვითარაფაშა.
| ლოთარ მაიერი | |
| გერმ. Lothar Meyer | |
 ლოთარ მაიერი 1883 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 11, 1895 (64 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
დეივიშ მენდალი (1882) |
ბიოგრაფია დო მენცარული რკვიებეფი რედაქტირაფა
ლოთარ მაიერი გურაფულენდჷ მედიცინას ციურიხიშ უნივერსიტეტის 1851 წანას. ჟირ წანაშ უკულ გურაფა გაგინძორჷ ვიურცბურგიშ უნივერსიტეტის, სოდეთ პათოლოგიას გურაფულენდჷ. ვიურცბურგიშ უნივერსიტეტის მაიერი გურაფულენდჷ შინელი გერმანალი მენცარიშ დო ექიმიშ რუდოლფ ვირხოვიშ ხემანჯღვერობათ. 1854 წანას მაიერიქ მიპალუ მედიცინაშ დოქტორიშ ხარისხი. 1854 წანაშე მაიერიქ გურაფა გაგინძორჷ ჰაიდელბერგიშ უნივერსიტეტის რობერტ ბუნზენიშ ხემანჯღვერობათ. 1858 წანას მაიერიქ მიპალუ მენცარობაშ დოქტორიშ ხარისხი ბრესლაუშ უნივერსიტეტიშე. ოდოქტორე დისერტაციაშ თემა რდჷ ნოშქერბადიშ მონოოქსიდიშ ეფექტეფი ზისხირს. 1859 წანას მაიერი გურაფულენდჷ მათემატიკურ ფიზიკას კენიგსბერგიშ უნივერსიტეტის, სოდეთ თიში ომენცარე ხემანჯღვერი რდჷ ფრანც ერნსტ ნეიმანი. გურაფაშ თებაშ უკულ მაიერი მუშენდჷ კარლსრუეშ ტექნოლოგიურ ინსტიტუტის. საფრანგეთ-პრუსიაშ ლჷმაშ ბორჯის მაიერი მუშენდჷ კარლსრუეშ ჰოსპიტალიშ ექიმო. 1876 წანაშე ღურაშახ, რდჷ ტიუბინგენიშ უნივერსიტეტიშ ქიმიაშ პროფესორი. ლოთარ მაიერიქ 1864 წანას გჷმაბჟინუ მენცარული ნახანდი Die modernen Theorien der Chemie, სოდეთ მიშულირი რე ქიმიური ელემენტეფიშ პერიოდული სისტემაშ მაიერიშ ვერსია. ჸათე ვერსიას ოკათუდჷ 28 ელემენტი დო ელემენტეფი გორთილი რდჷ 6 ფანიათ. 1864 დო 1870 წანეფს მაიერიქ გჷმაბჟინუ ელემენტეფიშ კლასიფიკაციაშ სისტემა, სოდეთ ელემენტეფი გორთილი რდჷ ჰორიზონტალური დო ვერტიკალური ფორმეფით. 1869 წანას რუსი მენცარქ დიმიტრი მენდელეევქ გჷმაბჟინუ ჸათე პერიოდიშო ჩინებული არძო ელემენტეფიშ პერიოდული სისტემა. მალას მაიერიქ გჷმაბჟინუ მუში სისტემა, სოდეთ მიშაღალირი რდჷ არძო ელემენტი. 1882 წანას ჟირხოლო მენცარს მაიერის დო მენდელეევს ლონდონიშ ომაფე ჯარალუაქ გეგნოჩჷ დეივიშ მენდალი ქიმიური ელემენტეფიშ პერიოდული სისტემაშ გოვითარაფაშ გეშა.
რესურსეფი ინტერნეტის რედაქტირაფა
