ლონდონიშ ომაფე კოლეჯი
ლონდონიშ ომაფე კოლეჯი (ინგლ. King's College London, King's თაშნეშე KCL) — ოჯარალე უნივერსიტეტი ლონდონს, ინგლისის. უნივერსიტეტიქ დირსხუ 1829 წანაშ ომაფე ქარტიათ, ბრიტანეთიშ მაფა ჯორჯ IV-შ დო ველინგტონიშ ჰერცოგიშ ართურ უელსლიშ პატრონაჟით. ლონდონიშ ომაფე კოლეჯი რე ლონდონიშ ოუნივერსიტეტიშ ართ-ართი დუმარსხუაფალი კოლეჯი. მაეჩა ოშწანურაშ ბორჯის, ლონდონიშ ომაფე კოლეჯის მიაძინჷ შხვადოშხვა ინსტიტუტეფქ: დიაფალი ელიზაბეტიშ კოლეჯიქ, მენცარობაშ დო ტექნოლოგიეფიშ ჩელსიშ კოლეჯიქ (1985), ფსიქიატრიაშ ინსტიტუტიქ (1997), მედიცინაშ დო სტომატოლოგიაშ გოართოიანაფილ სკოლეფქ დო ფლორენს ნაითინგეილიშ ოფერშალე სკოლაქ (1998).
| ლონდონიშ ომაფე კოლეჯი ინგლ. King's College London | |
  ლათ.: Collegium Regale Londiniense | |
| დევიზი | Sancte et Sapienter (ლათ.) |
|---|---|
| დირსხუ | 1829 |
| ტიპი | ოჯარალე |
| ფონდეფი | £ 1.002 მლრდ. (2021) |
| წორომახანდე | 5,220 (აკადემიური) |
| კანცლერი | ანა (ომაფე პრინცესა) |
| დეკანი | ელენ კლარკ-კინგი |
| სტუდენტი | 33,110 (2020) |
| ორენი | .svg){kind=small} ლონდონი, ინგლისი, გოართოიანაფილი ომაფე
|
| კამპუსი | ურბანული |
| ფერეფი | ცაშფერი დო ჭითა |
| საიტი | kcl.ac.uk |
| |
ლონდონიშ ომაფე კოლეჯის უღჷ ხუთი კამპუსი. ისტორიული სტრანდიშ კამპუსი იდვალუაფჷ ცენტრალურ ლონდონს. 2021 წანაშ მუნაჩემეფით კინგსიშ ფინანსური მუშნალი ართი მილიარდი ფუნტი სტერლინგი რე, ჸათავრეშე 188 მლნ. რე ფინანსური გრანტეფიშე დო კონტრაქტეფიშე. სტუდენტეფიშ მუდანობათ კინგსის, გოართოიანაფილი ომაფეშ მასშტაბით მავითოჟირა პოზიცია უკინებჷ. 2020 წანაშ მუნაჩემეფით კინგსის ჸუნდჷ 33,110 სტუდენტი, 5,220 აკადემიური პერსონალი დო 3,485 ადმინისტრაციული პერსონალი. კინგსი იკათუანს ჩხორო ფაკულტეტის, შხვადოშხვა დეპარტამენტეფს დო რკვიებეფიშ ცენტრეფს.
კინგსი რე მაკათური შხვადოშხვა საირქიანო ორგანიზაციეფიშ: წორომაჸალობაშ უნივერსიტეტეფიშ ასოციაციაშ, ევროპული უნივერსიტეტეფიშ ასოციაციაშ დო რასელიშ ბუნაშ.
ლონდონიშ ომაფე კოლეჯი (კინგსი) გოართოიანაფილი ომაფეშ, ევროპაშ დო მოსოფელიშ ართ-ართი რეიტინგული დო პრესტიჟული უნივერსიტეტი რე. QS World University Rankings-იშ 2021 წანაშ მუნაჩემეფით კინგის უკინებჷ 31-ა პოზიცია მოსოფელიშ მასშტაბით დო U.S. News & World Report-იშ 2021 წანაშ რეიტინგეფს 34-ა პოზიცია. Sunday Times-იშ რეიტინგეფს, კინგსი რე მახუთა პოზიციას გოართოიანაფილი ომაფეშ მასშტაბით.
ლონდონიშ ომაფე კოლეჯის გურაფულენდეს დო უნივერსიტეტიწკჷმა აფილირებულეფი რდეს: ნობელიშ პრემიაშ 14 ლაურეატი, ოსკარეფიშ ჯილდოშ 3 გომორძგვილი, გრემიშ ჯილდოშ 3 გომორძგვილი, ემიშ ჯილდოშ 1 გომორძგვილი. კინგსიშ კურსნათებუეფქ მიშეღეს დიდი კონტრიბუცია დნბშ სტრუქტურაშ, C ჰეპატიტიშ, კლონირაფაშ, ინ-ვიტრო პროცედურაშ (IVF) დო შხვა დარგეფიშ რკვიებაშა დო გოვითარაფაშა.
ლიტერატურა
რედაქტირაფა- Huelin, G. (1978) King's College London, 1828–1978.
- Jones, C. K. (2004) King's College London: In the service of society.