ლუი-ფერდინან სელინი
ლუი ფერდინან აუგუსტ დეტუში (ფრანგ. Louis Ferdinand Auguste Destouches; უმოსო შინელი რე ფსევდონიმით ლუი-ფერდინან სელინი, ფრანგ. Louis-Ferdinand Céline; დ. 27 მესი, 1894, კურბევუა, საფრანგეთი — ღ. 1 კვირკვე, 1961, მოდენი, საფრანგეთი) — ფრანგი ჭარუ, ნოველისტი, დრამატურგი დო ექიმი. გურაფულენდჷ მედიცინას რენიშ უნივერსიტეტის. 1923 წანას სელინიქ გურაფა გაგინძორჷ პარიზიშ უნივერსიტეტის, სოდეთ თხილუ ოდოქტორე დისერტაცია 1924 წანას. სელინი მონაწილენდჷ მაართა მოსოფელიშ ლჷმას, სოდეთ მიპალუ ოურდუმე მენდალი. სელინი 1930-იან წანეფს ანტისემიტიზმის ქადაგენდჷ დო მუშ ნაჭარეფს ანტკიცენდჷ ნამდა საფრანგეთიშო აუცილებერი რდჷ ნაცისტური გერმანიაწკჷმა ოურდუმე ალიანსი. მაჟირა მოსოფელიშ ლჷმაშ ბორჯის სელინის ფაშისტეფწკჷმა კოლაბორაცია ქეკაწამეს. ჸათეშ გეშათ სელინიქ დიო გერმანიაშა დო უკულ დანიაშა ინტჷ. 1945 წანას სელინი ოჭოფეს დო ციხეს ქუდახუნეს. 1951 წანას სელინიქ დირთჷ საფრანგეთიშა, სოდეთ ომედიცინე დო ლიტერატურული კარიერა გაგინძორჷ. სელინიქ ღურუ 1961 წანაშ 1 კვირკვეს, 67 წანერქ.
| ლუი-ფერდინან სელინი | |
 ლუი-ფერდინან სელინი 1932 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 1, 1961 (67 წანერი) |
| ღურაშ აბანი: |
მოდენი, საფრანგეთი |
| ერუანობა: | |
| საქვარუა: | |
| პერიოდი : |
1931 — 1961 |
| Magnum opus: |
შარალუა სერიშ დალიაშა (1932) |
| ჟანრი: |
ესსე, რომანი, პამფლეტი |
| ნინა: | |
| ჯილდოეფი: |
|
|
| |
ლუი-ფერდინან სელინი შინელი რე რომანეფით. დიდი პოპულარობა მოუღჷ რომანეფქ: "შარალუა სერიშ დალიაშა" (1932), "ღურა კრედიტით" (1936), "ჯიხაშე ჯიხაშა" (1957) დო "ოორუე" (1960). "შარალუა სერიშ დალიაშა" სელინიშ მაართა რომანიე დო თინა სიუჟეტით გვერდო ავტობიოგრაფიული რე. რომანქ 1932 წანას მიპალუ რენოდოშ პრემია.ლუი-ფერდინან სელინი მერჩქინელი რე XX ოშწანურაშ საფრანგეთიშ ართ-ართ უდიდაშ ნოველისტო. სელინის, თიში ანტისემიტური სენტიმენტეფიშ გეშა, ბრელი კრიტიკოსი ჸუნდჷ დო ასე ხოლო ჸუნს.
ლიტერატურა
რედაქტირაფა- O'Connell, David (1976). Louis-Ferdinand Céline. Twayne Publishers. ISBN 978-0-8057-6256-3
- McCarthy, Patrick (1976). Céline. New York: The Viking Press.
- Vitoux, Frédéric (1991). Céline: A Biography. New York: Paragon House. ISBN 1-55778-255-5