ლუყუ

ლუყუ (ლათ. Brassica) — ჩანარიშ გვარი ლუყუშობურეფიშ ფანიაშე. ართ-, ჟირ- ვარ-და ანდაწანიანი ჩანარი რე. უღუ კითიშტარიშობური ჯინჯი, თინი ვარ-და გვერდო გითოკინელი დოყალერი ღერი, რანწკას დვალირი ფურცელეფი, ტარკალე ვარ-და ქიტამი ღერია დო ფურცელი, ტიანეფო ვარ-და ფარეფო აკოკორობილი პეულეფი. ყვინთელი გურგინიშ ფურცლეფი; გუმნაღელი — პოპოქი, სფეროშობური თასი, ფერო რუმე შქირუ, მომიხაკიშფერე, მოჭითე-შქირუ ვარ-და ყვინთელი. ლუყუშ გვარს 100-შე უმოსი გვარობა რე.

ლუყუშ ოდაბადეთ იკოროცხუ ჩინეთი დო სქირონაზუღაპიჯეთი. ტყარი ფორმეფი მოდვალირი რე ევრაზიას. კულტურული გვარობეფი რე ორტვინიშ დო ოჭკომალი ლუყუ, დიხაშხული, რაფსი, თალგამი, შალგი, დონგი დო სხვა. ორტვინიშ დო ოჭკომალი ლუყუშ ბუნაშ მიშმურს ორტვინიშ ლუყუ, ჩინური ლუყუ, პეკინური ლუყუ. ლუყუშ არძა გვარობა, პეულამი დო პეკინური ლუყუშ მოხ, ჟირწანიანი ჩანარი რე.

ლუყუს ხვარენა ლადირო, ხაშილო, მოთუშილო, დაზმარებულო, ჯიმოლირო, სქირაფილო, გოყინილო დო შხვა. ლუყუ იკათუანს ნოშქერწყარეფს, ცილეფს, მინერალურ ჯიმუეფს, ვიტამინეფს (C, B ბუნაშ დო შხვა). უღუ დიეტური დო სამკურნალე მუშობურობეფი. გიშაკერზაფილო კაბეტი ომეურნე შანულობა უღუ დუდამ ლუყუს.