მანდარინეფი
მანდარინეფი (ესტ. Mandariinid) — რეჟისორ ზაზა ურუშაძეშით კინოსტუდია „Allfilm-ს“ 2013 წანას გინოღალირი ხანტურული ფილმი. თარი როლეფს: მიხეილ მესხი, გიორგი ნაკაშიძე, ლემბიტ ულფსაკი დო ელმო ნიუგანენი. ფილმი ნომინირაფილი რდჷ ორქოშ გლობუსის საუჯგუშო ურცხონინამი ფილმიშ ჯილდოს, ხოლო ოსკარის საუჯგუშო ურცხონინამი ფილმიშ ჯილდოს.
| მანდარინეფი | |
| ჟანრი: |
დრამა |
|---|---|
| რეჟისორი: |
ზაზა ურუშაძე |
| სცენარიშ ავტორი: |
ზაზა ურუშაძე |
| თარ როლეფს: |
ლემბიტ ულფსაკი, მიხეილ მესხი, გიორგი ნაკაშიძე, ელმო ნიუგანენი |
| კომპოზიტორი: |
ნიაზ დიასამიძე |
| ხანტუ: |
თეა თელია |
| კინოსტუდია: |
Allfilm |
| ქიანა | |
| ნინა: | |
| ვებხასჷლა: | |
სიუჟეტი
რედაქტირაფაფილმიშ სიუჟეტი ივითარებჷ აფხაზეთიშ ლჷმაშ პერიოდის, მორო ფილმის ვარე ნაძირეფი ლჷმაშ სცენეფი. თის მოთხობილი რე აფხაზეთს მახორუ ესტონარეფიშ გეშა. ლჷმაშ ბორჯის ესტონეთიშ ხეშუულებაქ აფხაზეთიშე თექ მახორუ ესტონარეფი გიშეჸონჷ, მარა თინეფშე მუსხირენქ დოსქილადა ისხუნუ აფხაზეთის. ოფუტეს ჟირი მოხორუქ ასქიდჷ. ქორთუეფს დო ჩეჩენეფს შქას მოხვალამირი ტაკაფიშ უკული ართ-ართი ესტონარი, ივო, ჸუდეს მითიფორუანს ღურაშ პიჯის მარენჯ ნტერეფს: ჭყოლირი ქორთუ მოხალისე მალჷმორს დო დაქირებულ ჩეჩენ ბოევიკის. გიშარჩქინდუ, ნამდა ესტონარი ივოშ სქუაქ ლჷმაშ დოჭყაფას ქორთუეფიშ ხეთ ღურჷ.
როლეფს
რედაქტირაფა- ლემბიტ ულფსაკი — ივო
- გიორგი ნაკაშიძე — ახმედი
- მიხეილ მესხი — ნიკა
- ელმო ნიუგანენი — მარგუსი
- რაივო ტრასი — იუჰანი
- გიორგი ცაავა — ოფიცერი
- ზურაბ ბეგალიშვილი — ასლანი
- ჯანო იზორია — ასლანიშ ჯარიშკოჩი
- დათო კახიძე — ასლანიშ ჯარიშკოჩი
- გია გოგიშვილი — ასლანიშ ჯარიშკოჩი
- ვამეკ ჯანგიძე — ასლანიშ ჯარისკოჩი
- ალეკო ბეგალიშვილი — ასლანიშ ჯარიშკოჩი
- თემო ხუციშვილი — ასლანიშ ჯარიშკოჩი
- კახა არევაძე — იბრაჰიმი
- ანა–ჰელინ საადოია — მარი
გინოღალეფი
რედაქტირაფა„მანდარინეფი“ ქორთულ-ესტონური პროექტი რე, ნამუქჷთ ევრიმაჟიშ მოხვარათ იღოლინ. დოფინანსაფაშ დიდი ნორთი ესტონური განქ გოჩჷ დო ორქოშ გლობუსის დო ოსკარეფს თიში ნომინირაფაშ ნებათ მუშო დიტუ.
ჯილდოეფი
რედაქტირაფაფილმიქ იჸუ ვარშავაშ ოერეფოშქაშე კინოფესტივალიშ ჟირი ნომინაციაშ — „საუჯგუშო რეჟისურაშ“ დო „აუდიტორიაშ ჯილდოშ“ გომორძგვილქ.[1] ხოლო მიღჷ ესტონეთიშ კინოჟურნალისტეფიშ ჯილდო, მანჰაიმ-ჰაიდელბერგიშ ოერეფოშქაშე კინოფესტივალიშ მაჯინეეფიშ პრიზი, აუდიენციაშ ჯილდო ეგვიპტეს[2]ფილმი ესტონეთიქ წჷმარინუ ოსკარიშ საუჯგუშო ურცხონინამი ფილმიშ კატეგორიაშო.[3] საბოლოთ, ფილმიქ მიღჷ ნომინაციეფი ორქოშ გლობუსიშ ჯილდოს საუჯგუშო ურცხონინამი ფილმიშო[4], ხოლო ოსკარიშ საუჯგუშო ურცხონინამი ფილმიშ ჯილდოს[5].
რესურსეფი ინტერნეტის
რედაქტირაფა- Mandariinid — კინოფილმეფიშ ინტერნეტ მუნაჩემეფიშ ბაზას (ინგლისური)
- ოფიციალური Facebook ხასჷლა
- მოჸინილი მანდარინეფი, დავით გორგილაძე Archived 2021-12-08 ვებ-ხასჷლას Wayback Machine.
სქოლიო
რედაქტირაფა- ↑ ზაზა ურუშაძეშ „მანდარინეფქ“ ვარშავაშ კინოფესტივალს ჯირი ნომინაციას გიმორძგჷ
- ↑ Georgian film Tangerines wins Audience Award at Egypt film event Archived 2016-03-05 ვებ-ხასჷლას Wayback Machine. (ინგლ.)
- ↑ Tangerines is Estonia’s pick for the Academy Awards
- ↑ 2015 GOLDEN GLOBE NOMINATIONS Archived 2015-02-02 ვებ-ხასჷლას Wayback Machine.
- ↑ Oscar Nominations 2015: See The Full List. Huffington Post. კითხირიშ თარიღი: 15 January 2015.