მარიო პიუზო
მარიო პიუზო (ინგლ. Mario Puzo; დ. 15 გჷმათუთა, 1920, ნიუ-იორკი, ნიუ-იორკი, ააშ — ღ. 2 კვირკვე, 1999, უესტ-ბეი-შორი, ნიუ-იორკი, ააშ) — ამერიკალი ჭარუ, ნოველისტი, სცენარისტი დო ჟურნალისტი. შინელი რე დეტექტივური ჟანრიშ რომანეფით იტალიურ-ამერიკული დო სიცილიური მაფიაშ გეშა. პიუზოშ არძაშე უმოსო პოპულარული რომანი რე "მორდია", ნამუშ სიუჟეტის რე გერსხილი ფრენსის ფორდ კოპოლაშ ფილმეფიშ ტრილოგია. პიუზოქ ჟირშა მიპალუ ოსკარი საუჯგუშო ადაპტირებული სცენარიშო.
| მარიო პიუზო | |
.jpg) პიუზო 1972 წანას | |
| ფსევდონიმი: |
Mario Cleri |
|---|---|
| დაბადებაშ თარიღი: | |
| დაბადებაშ აბანი: | |
| ღურაშ თარიღი: |
კვირკვე 2, 1999 (78 წანერი) |
| ღურაშ აბანი: |
უესტ-ბეი-შორი, ნიუ-იორკი, ააშ |
| ერუანობა: | |
| საქვარუა: | |
| პერიოდი : |
1955–1999 |
| Magnum opus: |
მორდია (1969) |
| ჟანრი: |
დეტექტივი |
| ნინა: | |
| ჯილდოეფი: | |
|
| |
ბიოგრაფია
რედაქტირაფამარიო პიუზოქ დებადჷ 1920 წანაშ 15 გჷმათუთას, იტალიარი იმიგრანტეფიშ ფანიას. მარიო 15 წანერი რდუნ თეშ, მუმაქ შიზოფრენიათ ქიდელახჷ დო მარიოს დო თიშ და დო ჯიმას უმოსო დიდა რდუნდჷ. მაჟირა მოსოფელიშ ლჷმაშ ბორჯის, მსახურენდჷ ამერიკაშ არმიას, გერმანიას. ლჷმაშ თებაშ უკულ გურაფულენდჷ ნიუ-იორკიშ სიტი-კოლეჯის.
პიუზოქ ლიტერატურული კარიერა 1950-იან წანეფს დიჭყჷ. მაართა თხობელუა გჷმაბჟინუ ლიტერატურულ ჟურნალს, 1950 წანას. მაართა რომანქ "რუმე არენა" გიშართჷ 1955 წანას. 1960-იან წანეფს პიუზო მუშენდჷ შხვადოშხვა ბულვარული ჟურნალეფიშ რედაქტორიშ ასისტენტო.
1969 წანას გიშართჷ პიუზოშ რომანქ "მორდია", ნამუქჷთ ავტორს დიდი პოპულარობა მოუღჷ. წინგი, 67 მარას რდჷ ნიუ-იორკ ტაიმსიშ ბესტსელერეფიშ ერკებულიშ ლიდერი დო გიმიჩინჷ წინგიშ ჩხორო მილიონ ეგზემპლარქ. პიუზოშ ჸათე რომანიშ სიუჟეტის უკულ გიარსხუ ფრენსის ფორდ კოპოლაშ ფილმიქ "მორდია". ფილმიქ მიპალუ 3 ჯილდო ოსკარიშ 11 კატეგორიაშე.
მარიო პიუზო თაშნეშე რდჷ 1978 წანას გინოღალირი ფილმი სუპერმენიშ დო თიში გოგინძორაფაშ სცენარიშ ავტორი.
1991 წანას პიუზოქ გჷმაბჟინუ რომანი "მანთხა კენედი", ნამუშ თარი, გჷმოგონილი პერსონაჟიე ფრენსის ქსავიე კენედი - რომანიშ სიუჟეტით, ჯონ ფიცჯერალდ კენედიშ ჯიმასქუა.
მარიო პიუზოშ ღურაშ უკულ, 2001 წანას გიშართჷ პიუზოშ ეკონია რომანქ "ფანია".
გიშნაგორა რომანეფი
რედაქტირაფა- რუმე არენა (1955)
- მორდია (1969)
- ბოროეფიშ ღურა (1978)
- სიცილიარი (1984)
- მანთხა კენედი (1990)
- ეკონია დონი (1996)
- ომერტა (2000)
- ფანია (2001)
სცენარეფი
რედაქტირაფა- მორდია (1972)
- მორდია II (1974)
- დიხაშნწალუა (1974)
- სუპერმენი (1978)
- სუპერმენი II (1980)
- ღურაშ ბორჯი (1982)
- სიცილიარი (1987)
- მორდია III (1990)
- ქრისტეფორე კოლუმბი: ძირაფა (1992)
ლიტერატურა
რედაქტირაფა- Moore, M. J. (March 8, 2019). Mario Puzo: An American Writer's Quest.
რესურსეფი ინტერნეტის
რედაქტირაფა- მარიო პიუზო — კინოფილმეფიშ ინტერნეტ მუნაჩემეფიშ ბაზას (ინგლისური)
- მარიო პიუზოშ წინგეფი Archived 2021-01-27 ვებ-ხასჷლას Wayback Machine.
- მარიო პიუზოშ ოფიციალური ბიბლიოთეკა
- ბიოგრაფიული ფაქტეფი
- ინტერვიუ მარიო პიუზოწკჷმა