მორდია (რომანი)
მორდია (ინგლ. The Godfather) — მარიო პიუზოშ დეტექტივური რომანი, გიშაშქუმალირი 1969 წანას. რომანი ამერიკალ-იტალიარი მაფიოზური ფანიაშ ისტორია რე. ფანიაშ მადუდე რე გჷმოგონილი პერსონაჟი ვიტო კორლეონე, ნამუსჷთ მორდიას უძახჷნა. წინგიშ სიუჟეტით, კორლეონეშ მაფიოზური ფანია ნიუ-იორკის ოპერირენს. წინგი ეთმოჭარუნს 1945 წანაშე 1955 წანაშახ პერიოდის.
| მორდია | |
| The Godfather | |
| ავტორი | |
|---|---|
| ქიანა | |
| ნინა | |
| თემა |
მაფია |
| ჟანრი |
დეტექტივი, ტრილერი, კრიმინალური დრამა |
| გჷშმაშქუმალარი | |
| გჷშაშქუმალაშ თარიღი | |
| გეჸვენჯი | |
რომანი მორდია ნაწარმებეფიშ ციკლიშ მაართა სერია რე. უკულიან წანეფს გიშართჷ სერიაშ შხვა წინგეფქ ხოლო. პიუზოქ ჸათე რომანს გიმირინუ დო ინგლისურო მაჩიებელ აუდიტორიას გაჩინებაფუ იტალიური ტერმინეფი: კონსილიერი, კაპორეჯიმე, კოზა ნოსტრა დო ომერტა.
მორდიაქ ავტორს დიდი პოპულარობა მოუღჷ. წინგი, 67 მარას რდჷ ნიუ-იორკ ტაიმსიშ ბესტსელერეფიშ ერკებულიშ ლიდერი დო გიმიჩინჷ წინგიშ ჩხორო მილიონ ეგზემპლარქ. პიუზოშ ჸათე რომანიშ სიუჟეტის უკულ გიარსხუ ფრენსის ფორდ კოპოლაშ ფილმიქ მორდია.