მაურიეფიშ იმპერია

მაურიეფიშ იმპერია — სახენწფო ჯვეშ ინდოეთის ჯვ.წ. 317-180 წანეფს ნანანორათ პატალიპუტრას (ასე პატნა)

მაურიეფიშ იმპერია მაფა აშოკაშ ბორჯის

მაურიეფიშ სახენწჷფოშ ისტორიული შანულამობა იღვენუ ალექსანდრე მაკედონარიშ ლესქერობეფიშ უკული ნანდაშ იმპერიაშ მეფეფწკჷმა ჩანდრაგუპტა მაურიაშ ტროგებაშ შედეგო. ჩანდრაგუპტა ბერძენი ავტორეფიშით მოშინაფილი რე, მუჭოთ სანდრაკოტი უმწუძინუეთ ცადენდჷ ალექსანდრე მაკედონეარიშ ხვილაფაშ მუშა მოპყრობას დო საბოლოოთ ბერძენეფიშ უდუხვარებუო შილებუ მუშ ომაფეშ გოფართინაფა.

თიშით აკოქიმინელი მაურიეფიშ იმპერია ირო კონტაქტის რდჷ სელევკიდებიშ სირიაწკჷმა დო ბერძენულ-ბაქტრიულ ომაფეწკჷმა.

მაურიეფიშ იმპერიაქ იმპერატორ აშოკაშ ბორჯის უმაღალაშ გოვითარაფას მიოჭირინუ, მუჟამსჷთ ქჷდიჸუნუ ქვერსემი ტერიტორია დო გობაჩუ ბუდიზმი.

იმპერიაქ ქჷდანთხუ აშოკაშ ღურაშე 50 წანაშ უკული შუნგაშ აჯანყაფაშ შედეგო, მუჟამსთ ქიანას ახალი დინასტიაშ მართუალაქ ქჷდიჭუნ.

მაურიეფიშ იმპერიაშ მაფეფი

მართუალაშ წანეფი	მაფეფიშ ერკებული
317—298 ჯვ.წ.	ჩანდრაგუპტა მაურია
298—272 ჯვ.წ.	ბინდუსარა
272—232 ჯვ.წ.	აშოკა (აშოკავარდჰანა პიადასი)
232—225 ჯვ.წ.	კუნალა ჯარმავივარდჰანი (ბჟადალს)
232—225 ჯვ.წ.	დაშარათა დევანამპია (ბჟაეიოლს)
225—215 ჯვ.წ.	სამპრატი
212—202 ჯვ.წ.	სალისუკა
202—195 ჯვ.წ.	დევავარმანი
195—187 ჯვ.წ.	შატადჰანი
187—180 ჯვ.წ.	ბრიჰადრათჰა

ლიტერატურა

• Лелюхин Д.Н.Структура державы Маурьев по сведениям эдиктов Ашоки // Вестник древней истории. 1998, № 2.

რესურსეფი ინტერნეტის

• მაურიეფიშ იმპერია — ინდოეთიშ ისტორია
• ბუდიზმი დო მაურიეფიშ სახენწჷფო Archived 2015-05-18 ვებ-ხასჷლას Wayback Machine.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.