მაჭირხოლიშობურეფი

„მაჭირხოლი“ თე ხასჷლაშა გჷნმურს. შხვა შანულობეფშო ქოძირით მაჭირხოლი (მიარეშანულამობა).

მაჭირხოლიშობურეფი (ლათ. Hirundinidae) — ბაღირეშობურეფიშ რანწკიშ ფურინჯეფიშ ფანია. თინეფიშ რსხულიშ სიგჷრძა 10-23 სმ-ს ონჭუ. გოფაჩილი რე ედომუშამი დიხაუჩას, არქტიკაშ დო ანტარქტიკაშ მოხ. რჩქინელი რე 79 გვარობა. საქორთუოს მაგვაჯე გჷნმოფურნე რე: ნოღაშ მაჭირხოლი (ლათ. Delichon urbica), ოფუტეშ მაჭირხოლი (ლათ. Hirundo rustica), მაწყარპიჯე მაჭირხოლი (ლათ. Riparia riparia), გვალაშ მაჭირხოლი (ლათ. Ptyonoprogne rupestris), წელჭითა მაჭირხოლი (ლათ. Hirundo daurica). მაჭირხოლიშობურეფიშ ოგვაჯეს გვერდო სფეროშობური ვარდა ბირტყა მათარაშ ფორმა უღჷ. კანკალე წყარმალუშ ელახ კინდღჷ ტკილონა წყარპიჯეფს ნთხორუნს ომანეს, კანკალე - ჯაშ ღოლჯას იკეთენს ოგვაჯეს. შხირას აკმოქიმინუნა კოლონიეფს. მაჭირხოლიშობურეფი ჭანდეფს ჭკომჷნა, ნამუსთ ჰავას ჭოფჷნა. ხვალო 1 გვარობა ჭკომუნს ღვიაშ კენკრას.

?

მაჭირხოლიშობურეფი

მენცარული კლასიფიკაცია

ომაფე:	ჩხოლარეფი
ტიპი:	ქორდიანეფი
გიმენტიპი:	ხერხემალამეფი
კლასი:	ფურინჯეფი
რანწკი:	ბაღირეშობურეფი
ფანია:	მაჭირხოლიშობურეფი
გვარი:	ნანდული მაჭირხოლი
გიმენგვარი:	ოფუტეშ მაჭირხოლი