თარ მენიუშა მიშულა
Flag of Moldova.svg Coat of arms of Moldova.svg
LocationMoldova.svg
მოლდოვა
ნანანოღა კიშინიოვი
უდიდაში ნოღა კიშინიოვი
ოფიციალური ნინეფი მოლდავური (რუმინული)
თარობა ოპარლამენტე რესპუბლიკა
პრეზიდენტი იგორ დოდონი
პრ. მინისტრი პაველ ფილიპი
ფართობი 33,844 კმ²(139-ა)
მახორობა 4,128,047 (121-ა)
ვალუტა ლეუ (MDL)
ქიანაშ კოდი MDA
ოტელეფონე კოდი +373

მოლდოვა, ოფიციალურო მოლდოვაშ რესპუბლიკა — სახენწჷფო ბჟაეიოლ ევროპას, რუმინეთი დო უკრაინა შქას. ნანანოღა რე კიშინიოვი.

დინორე

ჯოხოდვალარედაქტირაფა

  • ოფიციალური: მოლდოვაშ რესპუბლიკა.
  • ოდაბადური: Moldova; Republica Moldova.
  • ეტიმოლოგია: მოლდოვა ჯოხო მეძობელი რუმინეთიშ ართ-ართ უდიდაშ რეგიონს, ნამუქუთ ოეგებიეთ ჯოხო წყარმალშე მიღჷ. რე მოსაზრება, ნამდა თე წყარმალიშ ჯოხოდვალა ეინწყჷმუ მადანიშ (გერმანულო Molde) თი მიშნაკათეფეფით, ნამუთ თე წყარმალს მოუღუ.

გეოგრაფიარედაქტირაფა

მოლდოვა იდვალუაფუ ობჟათე-ბჟაეიოლ ევროპას. ბჟაეიოლშე ომძღჷ უკრაინა, ბჟადალშე - რუმინეთი. ქიანაშ ფართობი რე 33.700 კვ.კმ. რუმინეთიწკჷმა მოლდოვაშ სანძღოეფი მეჸუნს წყარმალეფს - პრუტის დო დუნაის. ქიანაშ უმაღალაში კონკა რე დეალულ ბელენეშტი - 430 მ.

სახენწჷფორედაქტირაფა

  • სახენწჷფო სისტემა: გოვითარაფადი დემოკრატია.
  • სახენწჷფოშ მადუდე: პრეზიდენტი.
  • კანონიშდუმადვალუ ორგანო: ართპალატამი პარლამენტი (101 მაკათური).

ტერიტორიული მონწყილობარედაქტირაფა

მოლდოვაშ ადმინისტრაციულ-ტერიტორიული ართულეფი რე: 9 ოლქი (judetul), 1 ავტონომიური ტერიტორიული ართული (unitate teritoriala autonoma - გაგაუზია) და 1 ტერიტორიული ართული (unitate teritoriala - დნესტრიშპიჯეთი).

დემოგრაფიარედაქტირაფა

  • მახორობა: 4.439.000 (2003), თენეფშე 64% მოლდოვარი, 14% უკრაინალი, 13% რუსი.
  • ოფიციალური ნინა - მოლდავური (რუმინული). შხვა ნინეფი - რუსული, უკრაინული, გაგაუზური.
  • რელიგია - მართლმადიდებლობა.
  • ნანანოღა: კიშინიოვი (772.000). შხვა დიდი ნოღეფი: ტირასპოლი (210 ვითოში), ბელცი (175 ვითოში), ტიგინა (145 ვითოში).

ეკონომიკარედაქტირაფა

მოლდოვას მოხუჯური კლიმატური პიჯალეფი რე, მუთ ირზენს ოფუტეშ მეურნებაშ გოვითარაფაშ საშუალებას. თეშენი ქიანაშ ექსპორტიშ უმეტაშ თია უკინებუ კვებაშ პროდუქტეფს, დარანას (ღვინს), ტექსტილს, თუთუმს. უღუ ჭიჭე მუდანობათ მინერალური რესურსეფი - ფოსფორიტი, თაბაშირი, კირქუა. ენერგომატარებელეფს - გაზის, ნავთობის დო ქუანოშქერს უმოსო რუსეთიშე ღებულენს. მოლდოვაშ ვალუტა რე მოლდოვური ლეი (MDL).

უხოლაში ისტორიარედაქტირაფა

1991 წანას მოლდოვაქ გაგმაცხადჷ ზოხორინელობა, მუსუთ მაჸუნუ სეპარატისტული ყარაფეფიშ გააქტიურებაქ ქიანაშ შხვადოშხვა რეგიონეფს. თიმ წანას დნესტრიშპიჯეთიშ სლავურ მახორობაქ გაგჷმაცხადჷ დნესტრიშპიჯეთიშ მოლდოვური რესპუბლიკა, ნამუშ სტატუსშეთ ამდღა ხოლო მეურს მორაგადაფეფი. 1994 წანას მოლდოვაშ პარლამენტიქ ქიმიღჷ კანონი გაგაუზიაშ ტერიტორიული ავტონომიაშე.