მელანეზია

მელანეზია (ჯვ.-ბერძენ. μέλας დო νῆσος-შე — უჩა კოკეფი) — კოკეფიშ ბუნაშ ართობურობა რჩქალი ოკიანეს, ნამუშ ჯინჯიერი მახორობა ვართ პოლინეზიურ დო ვართ მიკრონეზიულ ნინეფშა ვეჩიებუნ, თაშნეშე უჩაკანამეფი რენა. მელანეზია ავსტრალიაშ ოორუე-ბჟაეიოლშე იდვალუაფუ.

• ფართობი: 940 000 კმ²
• მახორობა: 6 500 000 ადამიერი

მელანეზიაშ რუკა

მელანეზიას ორხველჷ გეჸვენჯი კოკეფიშ ბუნა:

•  ინდონეზია ახალი გვინეა
•  ახალი კალედონია
•  სოლომონიშ კოკეფი ახალი გვინეა სოლომონიშ კოკეფი (არქიპელაგი)
•  ვანუატუ
•  ფიჯი
•  პაპუა-ახალი გვინეა ბისმარკიშ არქიპელაგი
•  სოლომონიშ კოკეფი სანტა-კრუსიშ კოკეფი
•  ახალი კალედონია ლუაიოტე

მელანეზიაშ სახენწჷფოეფი

პაპუა-ახალი გვინეა

პაპუა-ახალი გვინეა, ედომუშამი ჯოხოდვალა — პაპუა-ახალი გვინეაშ ზოხორინელი სახენწჷფო (ინგლ. Papua New Guinea [ˈpæpuːə njuː ˈɡɪni] (თაშნ. ˈpɑːpuːə, ˈpæpjuːə), ტოკ-პისინი - Papua Niugini, ჰირი-მოტუ - Papua Niu Gini) — სახენწჷფო ოკიანეთის, რჩქალი ოკიანეშ ობჟათე-ბჟადალი ნორთის, იკენს კოკი ახალი გვინეაშ ბჟაეიოლ ნორთის, ბისმარკიშ არქიპელაგის, სოლომონიშ კოკეფიშ ოორუე ნორთის (ბეგენვილიშ დო ბუკაშ კოკეფი), დ'ანტრკასტოშ კოკეფი დო შხვ. ფართობი — 462 840 კმ². მახორობა — დოხოლაფირო 6 მილიონი ადამიერი (2009), ქიანაშ მახორობაშ უმენტაში ნორთის აკმადგინანა პაპუასეფი დო მელანეზიარეფი. ნოღაშ მახორობა — 15,2 % (1991). ოფიციალური ნინეფი — ინგლისური, ტოკ-პისინი დო ჰირი-მოტუ. მახორობაშ უმენტაში ნორთი — ქირსიანეფი, დოსქილადირი ნორთი აბანობური ტრადიციული რწუმეფიშ გემაჸვენჯი რე. ადმინისტრაციულ ტერიტორიული დორთუალა: 20 პროვინცია. ნანანოღა — პორტ-მორსბი. ერეფიშ წორომაჸალობაშ მაკათური რე. სახენწჷფოშ მადუდე — ოსურმაფა, ნამუთ ქიანას წჷმორინელი რე გენერალ-გუბერნატორით. კანონმადვალუ ორგანო — ნაციონალური პარლამენტი.

სოლომონიშ კოკეფი

სოლომონიშ კოკეფი. ნანანოღა — ჰონიარა (კოკი გუადალკანალს, 30, 5 ვთშ. ადმ., 1985). გოძვენა — 1550 კმ. ფართობი — 29, 8 ვთშ. კმ². უმაღალაში კონკა — გვალა მაკარაკომბურუ (2447 მ). მახორობა — 478 ვთშ. ადმ. (2005). ოფიციალური ნინა — ინგლისური, გმირინუაფუ პიჯინი დო აბანობური ნინეფი. 7 კვირკვე - ზოხორინალაშ დღა. კოკეფი დოხორელი რე ახალი გვინეაშე მოულირი კათეფით. ექსპორტი: კოპრა, ჩხომი, ჯა-ტყა, კაკაო-წკარეფი, პალმაშ ზეთი. 1568 წანას, კოკეის მაართათ მიოგორუ ალვარო მენდანია დე ნეირაქ, ოორუე ნორთის — 1768 წანას მაართათ მიოგორუ ლუი ანტუან დე ბუგენვილიქ. 1885 წანაშე კოკეფი მორჩილი ბორჯით გერმანიაშ მართუალაშ გიმე რდჷ, 1893 წანას - გოართოიანაფილი ომაფეშ მართუალაშ გიმე, ბუგენვილიშ დო ბუკაშ კოკეფიშ მოხ. თე კოკეფი 2-ა მოსოფელიშ ლჷმაშ უკული ავსტრალიას ორხველუდჷ. 1978 წანას, სოლომონიშ კოკეფქ ზოხორინალა მიღეს.

ვანუატუშ რესპუბლიკა

ვანუატუშ რესპუბლიკა — ახალი ჰებრიდეფიშ არქიპელაგი, ნამუშათ 80 კოკი მიშმურს. უმაღალაში კონკა — 1879 მ. კოკი ესპირიტუ-სანტოს. მახორობა — 243 ვთშ. (2009). ნანანოღა — პოტრ-ვილა (მახორობა − 24 ვთშ. ადმ.). ოფიციალური ნინეფი — ბისლამა, ინგლისური, ფრანგული. რელიგია — პროტესტანტიზმი. 1887 წანაშე — საფრანგეთიშ დო გოართოიანაფილი ომაფეშ წორომართუალაშ თუდო რდჷ, 1980 წანაშე ზოხორინელი რესპუბლიკა რე.

ფიჯი

ფიჯი — სახენწჷფო კინე თე ჯოხოდვალაშ კოკეფს. ჟირი უშხუაში კოკი უღჷ — ვიტი-ლევუ დო ვანუა-ლევუ, დოხოლაფირო 300 მორჩილი კოკი. მახორობა — 849 ვთშ. ადამიერი (2009). ნანანოღა — სუვა (85 ვთშ. მახორუ). ოფიციალური ნინა — ინგლისური. კოკეფს მაართათ მიოგორუ აბელ ტესმანქ 1643 წანას. უმაღალაში კონკა — ტომანივი (1323 მ). 1970 წანას, ფიჯიქ ზოხორინალა მიღჷ, მარა ბრიტანეთიშ წორომაჷალობაშ აკოდგინალუაშა მიშმეშჷ. 1987 წანას, გეგშართჷ ბრიტანეთიშ წორომაჸალობაშ აკოდგინალუაშე. 10 გჷმათუთა - ზოხორინალაშ დღა. ექსპორტი: შანქარი, კორპა, ორქო, ჯა-ტყა, ჩხომი, მუკაქუნალი. უღჷ ოქიანუე — ფიჯიშ მუზეუმი სუვას — მუზეუმი წჷმარინუანს ფიჯიშ ეთნოგრაფიას დო არქეოლოგიას.

ახალი კალედონია

ახალი კალედონია — საფრანგეთიშ ზუღაშ მელეიანი ომართუე, ნამუშათ კოკი ახალი კალედონიაშ მოხ, რანწკი მორჩილი კოკეფი მიშმურს. კოკეფს მაართათ მიოგორეს 1774 წანას. უმაღალაში კონკა — პანიე (1628 მ). მახორობა — 230 ვთშ. ადმ. (2010). ადმინისტრაციული ცენტრი — ნუმეა. ეთნიკური აკოდგინალუა — მელანეზიარეფი (კანაკი) დო ფრანგეფი. ოფიციალური ნინა — ფრანგული, გოფაჩილიე ჰიბრიდული ნინეფი. რელიგია — კათოლიციზმი, პროტესტანტიზმი. ეკონომიკაშ ოსხირი — ოგვალე წარმება (ნიკელიშ, კობალტიშ დო ქრომიშ მოპოვება). ნაციონალური მიშნაველიშ 95% ნიკელიშ დო ნიკელიშ მადანიშ ექსპორტშე მიშმურს. მეღანკუა !!!: ჰიბრიდული ნინეფი — პიჯინ-ინგლიში, ბიჩ-ლა-მარი, ტოკ-პისინი ( პაპუა-ახალი გვინეაშ სახენწჷფო ნინა) დო შხვ. — აკმოდირთუნა ინგლისური, ესპანური, ფრანგული ზიტყვეფიშ ესვარუაშე, ვარდა ინგლისურიშლექსიკა უღუნა (ვარდა შხვა ნინეფიშ), მარა აბანობური მელანეზიური გრამატიკაწკჷმა მოხუჯაფათ.

თაშნეშე ქოძირით

• მელანეზიარეფი
• მელანეზიური ნინეფი

რესურსეფი ინტერნეტის

• ინგლისური ოხიდაშ ისტორია მელანეზიას ინგლ.
• ოკიანეთი. მელანეზია. არქივშე პუბლიკაციეფიშ კოლექცია რუს.

სქოლიო

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.