მენუა
მენუა — ურარტუშ მაფა, დოხოლაფირო ჯვ. წ. 810-786 წანეფს. რდჷ იშპუინიშ უკულაში სქუა. მუამუშიქ, მართუალაშ ეკონია პერიოდიშე წჷმარინუ წორო-მამართალო. მენუაქ გაგინძორჷ მუამუშიშ პოლიტიკა, გაფართინუ ომაფეშ ტერიტორია. ოლიმუდჷ მეძობელი სახენწჷფოეფს, განძალიერჷ ხეშულობა, გამანგარჷ სანძღოეფი, ეიოგჷ ჯიხაზურგეფი. ართ-ართი ჸათეცალი ჯიხა რდჷ მენუახინილი, ნამუთ იდვალუაფუდჷ არარატიშ გვალაშ გოხოლუას.
| მენუა | ||
| ურარტუშ მაფა | ||
|---|---|---|
| პოსტის გერინაშ ბორჯი | ||
| ჯვ. წ. 810 წანა – ჯვ. წ. 786 წანა | ||
| წიმოხონი | იშპუინი | |
| მონძე | არგიშთი I | |
| დუნაბადი | დოხოლაფირო ჯვ. წ. 850 | |
| ნაღურა | დოხ. ჯვ. წ. 786 | |
| მუმა | იშპუინი | |
| სქუალეფი | ინუშპუა, ტარირია, არგიშთი I | |
მენუაქ მიშეღჷ კაბეტი თია არხეფიშ დო საირიგაციო სისტემეფიშ გოვითარაფაშა. თიში ხემანჯღვერობათ გონთხორეს 70 კილომეტრიშ სიგირძაშ არხი, ნამუსჷთ მენუაშ არხის უძახჷნა. ჸათე პროექტი რეგიონალური შანულობაში რდჷ. არხი წყარით ამარაგენდჷ ნანანოღა ტუშფას. არხი ასე ხოლო გიმირინუაფჷ ირიგაციაშო. ართ-ართი ვერსიათ მენუაქ დარსხუ ნოღა მალაზგირტი. მენუაქ დიტუ ბრელი მუკნაჭარეფი, სოდეთ ეჭარილიე უმოსო თიში ლესქერობეფი.