მითრიდატე VI ევპატორი
მითრიდატე VI ევპატორი (ბერძ. Μιθριδάτης, დ. ჯვ. წ. 135 — ღ. ჯვ. წ. 63) — პონტოშ მაფა ჯვ.წ. 120-63 წანეფს.
| მითრიდატე VI ევპატორი | ||
 მითრიდატეშ ბიუსტი ლუვრის | ||
| პონტოშ მაფა | ||
|---|---|---|
| პოსტის გერინაშ ბორჯი | ||
| ჯვ. წ. 120 წანა – ჯვ. წ. 63 წანა | ||
| წიმოხონი | მითრიდატე V ევერგეტი | |
| მონძე | ფარნაკე II | |
| დუნაბადი | ჯვ. წ. 135 სინოპი, პონტოშ ომაფე | |
| ნაღურა | ჯვ. წ. 63 (71-72 წანერი) პანტიკაპეუმი, პონტოშ ომაფე | |
| ნთხორუ აბანი | სინოპი ვარდა ამასია | |
| მუმა | მითრიდატე V ევერგეტი | |
| ნანა | ლაოდიკა VI | |
| ალმასქუ | ლაოდიკა მონიმა ბერენიკა სტრატონიკა ჰიპსიკრატია | |
| სქუალეფი | მითრიდატე არკათია მაქარესი ფარნაკე II კლეოპატრა დრიპეტინა ათინაიდა ქსიფარე მითრიდატე ბოსფორალი ადობოგიონა უკულაში არიარატე IX ორსაბარისი | |
ჯვ.წ. 120 წანას დოჸვილეს პონტოშ მაფა მითრიდატე V ევერგეტი. თის ქუდასქიდჷ ჟირი ჭიჭე ქომოლსქუაქ: მითრიდატე ევპატორქ დო მითრიდატე ქრესტუსიქ. ბაღანეფიშ რეგენტი რდჷ თინეფიშ დიდა ლაოდიკა VI. ლაოდიკა ოცადუდჷ მონძეობაქ დო ხეშულობაქ გინორთუკო მითრიდატე ქრესტუსიშა. ლაოდიკაშ რეგენტობაშ ბორჯის, მითრიდატე ევპატორქ ინტუ დო წანეფიშ გოძვენას ტყობუდჷ. დოხოლაფირო ჯვ.წ. 116-113 წანეფს თიქ პონტოშა დირთჷ, გეგთარაგუ დიდა ლაოდიკა დო ჯიმა მითრიდატე ქრესტუსი, ჟირხოლო ოჭოფუ დო ჯიხას ქუდახუნუ დო მუში დუდი მაფათ გეგმაცხადჷ.
მითრიდატე ევპატორიშ ღანკი რდჷ პონტოშ ომაფეშ გინოშქუმალა დომინანტური დო გოლინიანი სახენწჷფოთ ანატოლიაშ რეგიონს. თიქ ქიდეკინჷ ჭიჭე სომხეთი, კოლხეთი, ბოსფორიშ ომაფე, ყირიმიშ ბერძენული ნოღეფი. თაშნეშე, ართი პერიოდის პონტოშ ომაფეს ქიმურსხუ კაპადოკია დო ბითინია ხოლო. დოხოლაფირო ჯვ.წ. 95 წანას, მითრიდატექ ქუდოდვუ აპიჯალა დიდი სომხეთიშ მაფა ტიგრან II-წკ ჷმა. ჯვ.წ. 89-85 წანეფს ოლჷმუდჷ რომს (მაართა მითრიდატული ლჷმა), ანატოლიაშე გეგშარაჸუ რომალეფი, უკულ საბერძნეთიშა გეგნორთჷ, მარა დემარცხჷ, დო დატებელქ აჸუ დაკინებული ტერიტორიეფქ. ჯვ.წ. 83-81 წანეფს კინ ოლჷმუდჷ რომს (მაჟირა მითრიდატული ლჷმა). ჯვ.წ. 74 წანას ქიდიჭყჷ მასუმა ლჷმაქ რომიწკჷმა. რომალი მანჯღვერთარქ ლუკულუსიქ ორჯგინჷ მითრიდატეს დო სომხეთიშა ონტინუ. ჸათაქ თიქ ტიგრან II-წკჷმა ართო გაგინძორჷ ლჷმა რომალეფიშ მეხჷ. ჯვ.წ. 66 წანას პომპეუსიქ დამარცხჷ მითრიდატე. მითრიდატექ დიო კოლხეთიშა ინტუ, უკულ ბოსფორიშა. მითრიდატე კინ ოცადუდჷ ახალი ოურდუმე კამპანიაშ დოჭყაფას რომიწკჷმა, მარა მალას მითრიდატეშ მეხჷ ეარყეს დო დოჸვილეს.