მიხეილ ბულგაკოვი
მიხეილ ათანასეშ სქი ბულგაკოვი (რუს. Михаил Афанасьевич Булгаков, დ. 15 მესი [ჯვ.სტ. 3 მესი], 1891, კიევი, კიევიშ გუბერნია, რუსეთიშ იმპერია — ღ. 10 მელახი, 1940, მოსკოვი, რსფსრ, სსრრ) — რუსი ჭარუ, ნოველისტი, დრამატურგი დო ექიმი. შინელი რე რომანით "ორსანტი დო მარგარიტა", ნამუთ მაეჩა ოშწანურაშ შედევრო რე მერჩქინელი.
| მიხეილ ბულგაკოვი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 10, 1940 (48 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1919-1940 |
| Magnum opus: | |
| ჟანრი: |
სატირა, ფენტეზი, ომენცარე ფანტასტიკა, ისტორიული ლიტერატურა |
| ნინა: | |
|
| |
ბიოგრაფია
რედაქტირაფამიხეილ ბულგაკოვქ დებადჷ 1891 15 მესის (ჯვ.სტ. 3 მესი), კიევს. გურაფულენდჷ კიევიშ გიმნაზიას, სოდეთ დეინტერესჷ რუსული დო ევროპული ლიტერატურათ ( ნიკოლაი გოგოლი, ალექსანდრე პუშკინი, თეოდორ დოსტოევსკი, მიხეილ სალტიკოვ-შჩედრინი, ჩარლზ დიკენსი), თეატრით დო ოპერათ. 1909 წანას გემშართჷ კიევიშ უნივერსიტეტიშ მედიცინაშ ფაკულტეტიშა. გურაფაშ თებაშ უკული მუშობა ქიდიჭყჷ კიევიშ ოურდუმე ჰოსპიტალს, ექიმო. მაართა მოსოფელიშ ლჷმაშ ბორჯის, ბულგაკოვქ მუჭოთ ჭითა ჯვარიშ ექიმქ ფრონტიშა მიდართჷ, სოდეთ ჟირშა დიჭკირჷ. ქრონიკული ჭუეფიშ გეშა ხშირას მორფის კეთებულენდჷ დო თის ქიმიარჩქვანჷ. ბულგაკოვიშ ცხოვრებაშ ჸათე პერიოდეფს რე გერსხილი წინგი "მორფინი", ნამუქჷთ 1926 წანას გიშართჷ.
1916-1917 წანეფს ბულგაკოვი მუშენდჷ სმოლენსკიშ ჰოსპიტალს. ჸათაქ რინაშ დო მუშობაშ პერიოდეფს უკულ გიარსხუ წინგიქ "ახალგაზრდა ექიმიშ ნაჭარეფი". 1918 წანას კიევშა დირთჷ დო ჸუდეს მუში კერზო კლინიკა გონწყჷ. მალას რუსეთიშ ომენოღალე ლჷმაქ ხოლო ქიდიჭყჷ. ბულგაკოვიშ ჯიმალეფი ჩე არმიაშ ოფიცერეფი რდეს დო ბოლშევიკეფს ოლჷმუდეს.
1919 წანას მუჭოთ უკრაინაშ ოკათე არმიაშ ექიმი, ოორუე კავკაციაშა გოუტეს. ჸათაქ თიქ ტიფით ქიდელახჷ დო ძიუთ გინასქიდჷ. ლახარეფიშ გეშა ბულგაკოვქ ომედიცინე პრაქტიკა მიოტუ დო უმოსო ჭარალუათ დეინტერესჷ. თიში ართ-ართი მაართა ნახანდი რდჷ ალმანახი "მუმალიშ პერსპექტივეფი", ნამუქჷთ 1919 წანას იბეშტჷ. 1919 წანას ბულგაკოვქ ვლადიკავკაზიშა მიდართჷ დო შარალენდჷ კავკაციას. ჸათე პერიოდის ჭარჷ მაართა პიესეფი: "დუდიშ თხილუა" დო "ტურბინეფიშ ჯიმალეფი". კავკაციას შარალუაშ უკულ მოსკოვშა მიდართჷ დო მუშობა ქიდიჭყჷ რესპუბლიკაშ პოლიტიკური გონათაფაშ ცენტრალური კომიტეტიშ ლიტერატურული სექციაშ მელამოსეთ. 1920-იან წანეფს ბულგაკოვი მუშენდჷ შხვადოშხვა გაზეთეფიშ კორესპონდენტო ხოლო. 1925 წანას ჭარუ თხობელუა "ჯოღორიშ გური", ნამუსჷთ ართიან მერსხილი რე სატირა დო ომენცარე ფანტასტიკა.
1922-1926 წანეფს ჭარუ შხვადოშხვა პიესეფი: "ზოიკაშ ჸუდე", "ნტება". ბულგაკოვიშ მაართა შანულამი ნახანდი რე "ჩე გვარდია", ნამუქჷთ სერიეფით გიშართჷ 1925 წანას დო ცალკე წინგო დღას ვეგშურთუმუ. 1926 წანაშ 5 გჷმათუთას, მოსკოვიშ ხელუანობაშ თეატრის დიდგჷ ბულგაკოვიშ პიესაქ "ტურბინეფიშ დღალეფი", ნამუთ "ჩე გვარდია"-შ თემაშ გოგინძორაფა რე. სსრრ-შ დიქტატორს იოსებ სტალინს მეწონჷ თე პიესაქ დო თის ხშირას უჯინედჷ.
ბულგაკოვიშ პიესეფი "ივან ვასილევიჩი" დო "ეკონია დღალეფი" სსრრ-შ თარობაქ აკრძალჷ. თაშნეშე, შხვა პიესეფქ "მოლიერი", "ზოიკაშ ჸუდე" ნეგატიურო იჸუ მეღებულქ დო დიდი კრიტიკაქ ხოლო შეხვადუ.
1930-იან წანეფს ბულგაკოვი მოსკოვიშ დიდი თეატრის მუშენდჷ ლიბრეტისტო დო კონსულტანტო.
მიხეილ ბულგაკოვიშ არძაშე უმოსო შინელი, ჩინებული დო გიშარჩქინელი ნახანდი რე "ორსანტი დო მარგარიტა", ნამუქჷთ 1928-1940 წანეფს იჭარჷ. წინგიქ ავტორიშ ღურაშ უკულ გიშართჷ სერიეფით, ჟურნალ მოსკოვს, 1966-1967 წანეფს.
მიხეილ ათანასეშ სქი ბულგაკოვიქ ღურუ 1940 წანაშ 10 მელახის, ჭაჭაშ გენეტიკური ლახარათ, ნეფროსკლეროზით. ნთხორილი რე მოსკოვიშ ნოვოდევიჩიშ სასაფლას.
რესურსეფი ინტერნეტის
რედაქტირაფა
- მიხეილ ბულგაკოვი ენციკლოპედია ბრიტანიკას
- მიხეილ ბულგაკოვი კონგრესიშ ბიბლიოთეკას
- მიხეილ ბულგაკოვი — კინოფილმეფიშ ინტერნეტ მუნაჩემეფიშ ბაზას (ინგლისური)
- მიხეილ ბულგაკოვი კოლინსიშ ინგლისურ ლექსიკონს
- Full English text of The Master and Margarita
- Full English text of The Heart of a Dog
- Master and Margarita profile and resources
- Mikhail Bulgakov in the Western World: A Bibliography, Library of Congress, European Reading Room