მოშე შარეთი
მოშე შარეთი (ურ. משה שרת, დაბადებაშ გვარი ჩერტოკი; დ. 15 გჷმათუთა, 1894 — ღ. 7 კვირკვე, 1965) — ისრაელარი პოლიტიკოსი, ისრაელიშ რანწკით მაჟირა პრემიერ-მინისტრი დო ისრაელიშ რანწკით მაართა გალენური საქვარეფიშ მინისტრი. შარეთიქ ხე მაჭარჷ ისრაელიშ ზოხორინელობაშ დეკლარაციას.
| მოშე შარეთი משה שרת | ||
 შარეთი 1952 წანას | ||
| ისრაელიშ მა-2 პრემიერ-მინისტრი | ||
|---|---|---|
| პოსტის გერინაშ ბორჯი | ||
| 7 ქირსეთუთა, 1953 – 3 გერგობათუთა, 1955 | ||
| პრეზიდენტი | იცხაკ ბენ-ცვი | |
| წიმოხონი | დავიდ ბენ-გურიონი | |
| მონძე | დავიდ ბენ-გურიონი | |
| პოსტის გერინაშ ბორჯი | ||
| 15 მესი, 1948 – 18 მანგი, 1956 | ||
| პრემიერ-მინისტრი | დავიდ ბენ-გურიონი მუ დავიდ ბენ-გურიონი | |
| წიმოხონი | პოსტიქ გიჭყჷ | |
| მონძე | გოლდა მეირი | |
| დუნაბადი | 15 გჷმათუთა, 1894 ხერსონი, რუსეთიშ იმპერია | |
| ნაღურა | 7 კვირკვე, 1965 (70 წანერი) იერუსალიმი, ისრაელი | |
| მენოღალობა |  რუსეთიშ იმპერია.svg){kind=small} ოსმალეთიშ იმპერია.svg){kind=small} დიდი ბრიტანეთი ისრაელი | |
| პოლიტიკური პარტია | მაპაი | |
| ალმასქუ | ციპორა მეიროვა | |
| სქუალეფი | 3 | |
| გონათაფა | სტამბოლიშ უნივერსიტეტი ლონდონიშ ეკონომიკაშ სკოლა | |
| ხეშმოჭარუა |  | |
დებადჷ უკრაინას. 1906 წანას ფანიაწკჷმა ართო ოცხოვრებშა პალესტინაშა მიდართჷ, ნამუთ ჸათე ბორჯის ოსმალეთიშ იმპერიაშ აკოდგინალუაშა მიშმეშჷ. შარეთი გურაფულენდჷ იურისპრუდენციას სტამბოლიშ უნივერსიტეტის. მაართა მოსოფელიშ ლჷმას მიმალობას მოღალენდჷ ოსმალეთიშ არმიას, მათანგალო. 1922-1924 წანეფს შარეთი გურაფულენდჷ ლონდონიშ ეკონომიკაშ სკოლას. წორეთ ჸათე პერიოდიშე დეინტერესჷ სიონისტური იდეეფით. პალესტინაშა დორთინაშ უკულ, შარეთიქ გინირთჷ ებრაული სააგენტოშ პოლიტიკური დეპარტამენტიშ მადუდეთ. 1946 წანას, სიონისტური აქტივიზმიშ გეშა შარეთი ოჭოფუ ბრიტანეთიშ თარობაქ დო ჯიხას ქუდახუნუ. გადუდიშულებაშ დო ისრაელიშ სახენწჷფოშ გოჭყაფაშ უკულ, 1948 წანას შარეთი ქუდარინეს ქიანაშ გალენური საქვარეფიშ მინისტრო. 1953 წანას, დავიდ ბენ-გურიონიქ, ჭიჭე ხანით ქიდიტუ პრემიერ-მინისტრიშ პოსტი. პრემიერ-მინისტრიშ პოსტის ბენ-გურიონი შარეთიქ დოთირუ. პრემიერ-მინისტრობაშ ბორჯის, შარეთი მეთხოზუდჷ სახენწჷფოშ ეკონომიკაშ ბიწორი გოვითარაფაშ დო იმიგრაციაშ პოლიტიკას. შარეთი ოცადუდჷ არაბული სახენწჷფოეფიწკჷმა ურთიართალაშ გაუჯგუშებას. 1955 წანას ბენ-გურიონიქ პრემიერ-მინისტრიშ პოსტის დართჷ. უკულიანი პერიოდის, ბენ-გურიონიქ დო შარეთიქ ვემირიგეს დო ართიანწკჷმა კონფლიქტური ურთიართალა უღუდეს. ჸათეშ გეშათ, შარეთიქ გალენური საქვარეფიშ მინისტრიშ პოსტიშე გეგნოდირთჷ. 1960 წანას თიქ გინირთჷ მოსოფელიშ სიონისტური ორგანიზაციაშ დუდმახვენჯო.