ნერვი
ნერვი (ბერძენ. neuron) — ნერვული ინჭკეფიშ აკმადგინალი ნორთი, ნამუთ ტვინს ვარ-და ნერვულ ნასკვეფს რსხულიშ შხვა ნორთეფს მეთმურსხუანს. ადამიერიშ დო გაგაჩამეფიშ ნერვეფი ედომუშამო მიელინამი ინჭკეფშე აკმოდირთჷ. ნერვულ ინჭკეფწკჷმა ართო ნერვიშ აკოგაფას ოკათჷ მემარსხუაფალი რშვილი. ინჭკეფიშ მეჯინათ გიშმართჷნა მაგინაფე, მაყარე დო ესვარილ ნერვეფს. ნერვეფი ნერვულ ნასკვეფწკჷმა ართო აკმადგინანა პერიფერიულ ნერვულ სისტემას, ნამუსთ გიშმართჷნა ოჭიშიშ ტვინიშ დო დუდიშ ტვინიშ ნერვეფს. ბჟაშუმუეფს ტვინს 12 ჭკობა ნერვი უღჷნა, თაურეშე 4 გინაფეფიშ ორგანოეფიშ რე, 6 მაყარაფალი დო 2 ესვარილი (წკვეტური დო ჩილათირი). ადამიერიშ ტვინს 31 ჭკობა ნერვი უღჷ.
ლიტერატურა რედაქტირაფა
- ქორთული სხუნუეფიშ ენციკლოპედია, ტ. 7, ხს. 391, ქართი, 1984 წანა.