ნუაქშოტი (არაბ. نواكشوط ან انواكشوط ) — მავრიტანიაშ ნანანოღა დო უშხუაში ნოღა. ართ-ართი უდიდაში ნოღა საჰარას . წჷმარინუანს მავრიტანიაშ ადმინისტრაციულ დო ეკონომუკურ ცენტრის.
ნუაქშოტი არაბ. نواكشوط ვარდა انواكشوط
ნუაქშოტიშ აერო-ფოტო 1958 წანაშახ, ნუაქშოტი მორჩილი, მეჩხომეეფიშ ნოღა რდჷ. კოლონიაშახ ხანს დო უკული ურკე კოლონიურ პერიოდის ხოლო თის მორჩილი შანულობა უღუდჷ. ოვარაუდეთ, თე არეალშე რდეს მოულირი ბერბერი მუსლიმეფი — ალმორავიდეფი . ნოღაშ ჯოხოშ უმკუჯინალო, ნამუთ ბერბერულო „ბორიამ აბანს შანენს“,[ 1] კლიმატიშ დო ქიანაშ ცენტრალურ ნორთის დვალუაშ გეშა ნუაქშოტი მავრიტანიაშ ნანანოღათ გეგშაგორეს.[ 2]
მავრიტანია საფრანგეთიშ კოლონია საფრანგეთიშ ბჟადალ აფრიკაშ აკოდგინალუაშა მიშმეშჷ დო თი პერიოდის თის ნანანოღა ვაუღუდჷ. თე ფუნქციეფს სენეგალიშ ნოღა სენ-ლუი არსულენდჷ. 1957 წანას, თე მორჩილი, ონიშოლი ნოღა ახალო გჷმოქიმინელი ქიანაშ ნანანოღათ გეგშაგორეს დო ქჷდიჭყეს აკოგაფაშ ამბიციური პროგრამა, ნამუშ გეშა მუმალ წანას მახორობაშ მუდანობაქ 15 000 აკადგინჷ.[ 3] 1958 წანას, მავრიტანიაქ საფრანგეთიშ გოართოიანაფას ავტონომიური რესპუბლიკაშ სტატუსი მიპალუ, 1960 წანს — თიქ ზოხორინელ სახენწჷფოთ გჷნირთჷ, ნამუშ ნანანოღალა ნუაქშოტიქ დეინალუ.
