ოფირჩა-ბორჯი — მათემატიკური მოდელი, ნამუთ აართიანენს ოფირჩაშ სუმი განზომილებას დო ბორჯიშ ართი განზომილებას, ართი ოთხიგანზომილებიან კონტინუუმო. ოფირჩა-ბორჯიშ დიაგრამეფი გიმირინუაფუ რელატივისტური ეფექტეფიშ ვიზუალიზაციაშო.

მაეჩა ოშწანურაშახ მენცარეფი ფირქენდეს ნამდა ოფირჩაშ სუმიგანზომილებიანი მოდელი ზოხორინელო არსებენდჷ, ართ-განზომილებიანი ბორჯიშე. შინელ გემანალ მენცარქ ალბერტ აინშტაინქ წჷმარინუ ფარდობითობაშ თეორია, ნამუშ თარი აკმადგინალი ოფირჩა-ბორჯი რე. აინშტაინიშ ფუნდამენტალური რკვიებეფიშახ მენცარეფი ფიზიკურ მოლინეფს, ჟირი შხვადოშხვანერი თეორიათ ეთმონწყუნდეს: ისააკ ნიუტონიშ კანონეფი ეთმონწყუნდჷ ობიექტეფიშ ჸარაფის, მუჟამს ჯეიმზ კლერკ მაქსველიშ ელექტრომაგნიტური მოდელი ეთმონწყუნდჷ სინთეშ რჯებეფს. აინშტაინიშ რკვიებეფით, ფარდობითობაშ სპეციალური თეორია გერსხილი რე ჟირი პოსტულატის:

  • ფიზიკაშ კანონეფი ინვარიანტული (უთირუ, იდენტური) რე არძო ინერციულ სისტემას
  • სინთეშ სიჩქარე ვაკუუმს რე ართნერი არძო დუმაკვირებელიშო, უმუჯინუო სინთეშ წყუშ ჸარაფიშ.

ჸათე პოსტულატეფიშ ლოგიკური შედეგი რე ოფირჩაშ დო ბორჯიშ ოთხიხოლო განზომილებაშ გოართოიანაფა.

აინშტაინიშ თეორია რე გოფართინაფილი დო გაუჯგუშებული ვერსია ჰენდრიკ ლორენციშ ელექტრომაგნიტური ფენომენიშ თეორიაშ დო ანრი პუანკარეშ ელექტროდინამიკური თეორიაშ.

რესურსეფი ინტერნეტის რედაქტირაფა



  ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.