პეკანი

პეკანი (Carya illinoensis, უწმოხ Carya olivaeformis, Carya pecan) — ჩანარი ნეძიშობურეფიშ ფანიაშე. ჯაშ სიმაღალა 50 მეტრშახ ონჭჷ, დიამეტრი - 2-2,5 მ. ცანდსუაშნერი ფურცელეფი გოჩანს. გუმნაღელი წკალამია რე („ნეძი“).

Carya illinoinensis

პეკანიშ თასი იჭკომჷ, 70%-შახ ზეთის იკათიანს. ორთაშობურო ჩანს ოორუე ამერიკაშ ტყალეფს. ჯვეშ ბორჯიშე ანდა ქიანას რე კულტივირაფილი.

პეკანი მოჸუნა კავკაციას (ბჟადალ საქორთუოსჷთ), ოშა-გოშათ უკრაინას დო მორჩილ აზიას.

პეკანიშ კაკალეფი — თე ჯაშ გუმნაღელეფი — მეჯინელო ძალამ მოგენს ნეძის დო კულინარიას გჷმირინუაფჷ.

მოჩამილი გვარობაშ ჩანარიშ ომონდიდაფალო (მაულარო) უციო რე ზარხულს ჩხე დო ლამე ჰეერიშ ჸოფა. ჯას შეულებჷ 300 წანაშ მეძენას გიმიღასჷნ. მოსალს რჩქვანელობურო ეთმეჭოფჷნა გჷმათუთაშ ბოლოშო, მარა პეკანიშ კაკალეფს დახე პირელშახ კორობჷნა (გაჩქჷ ტაროზიშ პიჯალეფს).

ფოტორანწკი

პეკანიშ თხირი: ნოჸელას გოჩანელი კაკალეფი, მოულირი გუმნაღელი, ნოხეჭობაშე სხუნილი, ნოხეჭობათ დო თიშ უმუშო

ლიტერატურა

• ქორთული სხუნუეფიშ ენციკლოპედია, ტ. 8, ხს. 12, ქართი, 1984 წანა.