პენელოპე კრუსი
პენელოპე კრუს სანჩესი (ესპ. Penélope Cruz Sánchez; დ. 28 პირელი, 1974, მადრიდი) — ესპანარი არტისტი.
| პენელოპე კრუსი | |
 | |
| დაბადებაშ ჯოხო | პენელოპე კრუს სანჩესი |
| დაბადებაშ აბანი | მადრიდი, ესპანეთი |
| დებადჷ | 28 პირელი, 1974 |
| საქვარუა | არტისტი |
| აკოქიმინჯალაშ წანეფი | 1990–ასეშა |
| ალმასქუ(ეფი) | ხავიერ ბარდემი |
| აკადემიაშ ჯილდოეფი | |
|---|---|
| ოსკარი | |
| BAFTA ჯილდოეფი | |
| BAFTA | |
ბიოგრაფია
რედაქტირაფაპენელოპეშ მუმა ავტოფარეხიშ მაღვენჯი რდჷ, დიდა - ოსურეფიშ სტილისტი. 5 წანაშ ასაკიშე 9 წანაშ გოძვენას პენელოპე სხაპუას ორხველუდჷ ერუანულ კონსერვატორიას. ათე ხანიშ გოძვენას თინა გიშეშჷ ესპანეთიშ დო ნიუ-იორკიშ სცენეფს. უკული მანეკენიშ კარიერა დიჭყჷ დო ჟურნალეფიშ კაბრას გიშარჩქინდჷ. გინოღალირი რე კლიპეფსით. 14 წანერი პენელოპეს მეჸუნდჷ ობაღანე ოტელევიზიე გინოჩამა La Quinta Marcha.
პენელოპე კრუსიქ ოარტისტე კარიერაშ დაჭყაფურს ოშინალი როლი არსულ რაფაელ ალკაზაშ ფილმის „ბერძენული ლაბირინთი“. თიში მაართა წჷმოძინათ იკოროცხუ ბიგას ლუნაშ „ლორი, ლორი“ (1992), ნამუშოთ კრუზი ნომინირაფილი რდჷ გოიაშ ჯილდოს საუჯგუშო არტისტი ოსურიშო.
პენელოპე კრუსიშ ოერეფოშქაშე კარიერა მერცხუაფილი რე პედრო ალმოდოვარიშ ფილმის „იფრელი დიაჩქიმიშ გეშა“. ათეში უკული არტისტის იჭანუანა ინგლისარი, ამერიკალი დო ნორვეგიალი რეჟისორეფი. 2001 წანას კრუსიქ ტომ კრუზწკჷმა ართო ილაჸაფჷ ფილმის „ვანილიშ ცა“ დო თინეფი შქას რომანქ დიჭყჷ, ნამქჷთ გეგინძორჷ 2004 წანაშა. 2006 წანაშ კანიშ კინოფესტივალს პენელოპე კრუსიქ მიღჷ პრიზი ოსურიშ როლიშ საუჯგუშო რსულებაშო პედრო ალმოდოვარიშ ფილმის „დორთინა“.
ფილმოგრაფია
რედაქტირაფა  |
ფილმოგრაფია ვარე ედოუმშამო მოჩამილი. ქორთხინთ ქიმმეხვარათ თიშ აკოფშაფას. |
| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1992 | ფ | ლორი, ლორი | Jamón, jamón | სილვია |
| 1993 | ფ | ბერძენული ლაბირინთი | El Laberinto griego | ელიზა |
| 1998 | ფ | სუკეფიშ დო ლეხერეფიშ ქიანა | The Hi-Lo Country | ჯოზეფა |
| 1999 | ფ | იფრელი დიაჩქიმმიშ გეშა | Todo sobre mi madre | როსა |
| 2001 | ფ | ვანილიშ ცა | Vanilla Sky | სოფია სერანო |
| 2003 | ფ | ფანფან ტიტა | Fanfan la Tulipe | ადელინა ლა ფრანჩიზი |
| 2006 | ფ | დაბრუნება | Volver | რაიმუნდა |
| 2007 | ფ | მანოლეტე | Manolete | ანტონინა სინო |
| 2008 | ფ | ვიკი კრისტინა ბარსელონა | Vicky Cristina Barcelona | მარია ელენა |
| 2009 | ფ | მეტებული ჯუნა | Los abrazos rotos | ლენა |
| 2009 | ფ | ჩხორო | Nine | კარლა ალბანესე |
| 2011 | ფ | კარიბიშ ზუღაშ კორსანტეფი: უჩინებურ წყარპიჯის | Pirates of the Caribbean: On Stranger Tides | ანჯელიკა |
| 2012 | ფ | ჸოროფათ რომს | To Rome with Love | ანა |
| 2012 | ფ | ჟირშა დუნაბადი | Venuto al mondo | ჯემა |
| 2013 | ფ | ალმაჩამალი | The Counselor | ლორა |
რესურსეფი ინტერნეტის
რედაქტირაფა
- პენელოპე კრუსი საიტის Allmusic
- Penélope Cruz საიტის Discogs
- Penélope Cruz საიტის AllRovi
- Penélope Cruz — კინოფილმეფიშ ინტერნეტ მუნაჩემეფიშ ბაზას (ინგლისური)
- Penélope Cruz TCM-იშ კინოფილმეფიშ მუნაჩემეფიშ ბაზას