პოტსდამი

პოტსდამი (გერმ. Potsdam) — ნოღა გერმანიას, ქიანაშ ფედერალური დიხაშ, ბრანდენბურგიშ უკაბეტაში ნოღა დო ნანანოღა. ნოღა ბონას უხურგანს გერმანიაშ ნანანოღა ბერლინს დო რე ბერლინ-ბრანდენბურგიშ მეტროპოლიური რეგიონიშ ნორთი. ნოღა იდვალუაფუ წყარმალუ ჰაფელს, ბერლინიშ ცენტრიშე ობჟათე-ბჟადალჸურე, 24 კილომეტრიშ მოჩილითაფათ.

ნოღა პოტსდამი გერმ. Potsdam წიმინდე ნიკოლოზიშ ოხვამე დო ჯვეში რატუშა ჯვეში ოვაჭარე მოედანს წიმინდე ნიკოლოზიშ ოხვამე დო ჯვეში რატუშა ჯვეში ოვაჭარე მოედანს გერბი ქიანა  გერმანიაგერმანია აკანი ბრანდენბურგიბრანდენბურგიშ აკანი|ბრანდენბურგი კოორდ. 52.4,13.06666752°24′00″ ოორ. გ. 13°04′00″ ელ. გ. დინოხოლენი დორთუალა 9 რაიონი ობერბუგერმაისტერი მაიკ შუბერტი ნოღა 1345  წანაშე ფართობი 188,61 კმ² ცენტრიშ სიმაღალა 32 მ ოფიციალური ნინა გერმანული მახორობა 175.710 კოჩი (2017) მეჭედალა 932 კოჩი/კმ² ბორჯიშ ორტყაფუ UTC+1, ზარხულს UTC+2 ტელ. კოდი +49 0331 ოფოსტე ინდექსი 14467–14482 ოავტომობილე კოდი P ოფიციალური ვებ-ხასჷლა www.potsdam.de პოტსდამი

პოტსდამი, 1918 წანაშახ პრუსიაშ მაფეფიშ დო გერმანალი კაიზერეფიშ რეზიდენცია რდჷ. ნოღაშ დოგეგმარაფა გონათუარობაშ ეპოქაშ ხორცმეკოდგინა რდჷ: პოტსდამიშ არქიტექტურაშ დო ლანდშაფტიშ რთხილი ბალანსი, ნოღას „თოლხიბულ, პასტორალურ ორცებათ“ გჷნმართინუანს, ნამუთ მუშ მახორუს გჷთმაშინანს ორთაწკმა დო გონებაწკმა ურთიართობას.

ნოღაშ ელმოლს იდვალუაფუ ართიანწკმა მერსხილი ტობეფი დო კულტურული ოქინაფუეფი, კერზოთ, გერმანიაშ უშხუაში მოსოფელშ მონძალაშ ობიექტი სანსუსიშ დოხორეეფი დო პარკეფი. ეიოშინალი რე, ნამჷ-და 1945 წანას პოტსდამიშ კონფერენციაქ თაქ, ცეცილიენჰოფიშ დოხორეს იმანჯჷ.

ბაბელსბერგიშ რაიონი, ნამუთ პოტსდამიშ ობჟათე-ბჟაეიოლ ნორთის იდვალუაფუ, 1930-იან წანეფშახ კინოწარმებაშ თარი სტუდია რდჷ დო ბერლინიშ კიდალაშ დონთხაფაშ უკული, ევროპაშ კინემატოგრაფიაშ თარი ცენტრიშ სტატუსით რგებულენს. ბაბელსბერგიშ კინოსტუდია მოსოფელს უჯვეშაში ფართომასშტამი კინოსტუდია რე.

პოტსდამი XIX ოშწანურას გერმანიაშ ომენცარე ცენტრო გჷნირთჷ. ასე ნოღას სუმი ოჯარე კოლეჯი, პოტსდამიშ უნივერსიტეტი დო 30-შე უმოსი ორკვიაფონე ინსტიტუტი ქიმინჯენს.

კლიმატი

ოფიციალურო კლიმატი ოკიანური რე, ნამუთ უმოსო დჷთმანთხუ წყარპიჯშე მოჩილათაფათ დო ბჟაეიოლჸურე (კიოპენი: Cfb), მორო 1961-1990 წანეფიშ ნორმალური დო 0 °C იზოთერმაშ მეჯინათ, ნორასს ლადარი კონტინენტური კლიმატი (Dfb) უღუ.

ლიტერატურა

• Paul Sigel, Silke Dähmlow, Frank Seehausen und Lucas Elmenhorst, Architekturführer Potsdam Architectural Guide, Dietrich Reimer Verlag, Berlin 2006, ISBN 3-496-01325-7.

რესურსეფი ინტერნეტის

ვიკიოწკარუეს^? რე ხასჷლა თემაშენ:

პოტსდამი

• ოფიციალური ვებ-ხასჷლა გერმანულო დო ინგლისურო Archived 2007-02-10 ვებ-ხასჷლას Wayback Machine.
• პოსტდამიშ ინტერაქტიული ტური