პრიმო ლევი (იტალ. Primo Michele Levi; დ. 31 კვირკვე, 1919, ტურინი, იტალია — ღ. 11 პირელი, 1987, ტურინი, იტალია) — იტალიარი ჭარუ, ნოველისტი დო ქიმიკოსი.

პრიმო ლევი
ფსევდონიმი:

Damiano Malabaila

დაბადებაშ თარიღი:

31 კვირკვე, 1919

დაბადებაშ აბანი:

ტურინი, იტალია

ღურაშ თარიღი:

პირელი 11, 1987 (67 წანერი)

ღურაშ აბანი:

ტურინი, იტალია

ერუანობა:

იტალიარი

საქვარუა:

ჭარუ, ნოველისტი, ქიმიკოსი

პერიოდი :

1947–1986

Magnum opus:

თენა კოჩი ქორენ-და (1947)
პერიოდული სისტემა (1975)

ჟანრი:

ავტობიოგრაფია, თხობელუა, ესსე

ნინა:

იტალიური ნინა

ჯილდოეფი:

სტრეგაშ პრემია
ვიარეჯოშ პრემია
ბაგუტაშ პრემია
ფელტრინელიშ პრემია
გრავემაიერიშ პრემია საუჯგუშო მუსიკალურ კომპოზიციაშო
კამპიელოშ პრემია

პრიმო ლევიქ დებადჷ ტურინს, ურიეფიშ ფანიას. გურაფულენდჷ ქიმიას ტურინიშ უნივერსიტეტის. მაჟირა მოსოფელიშ ლჷმაშ ბორჯის ქაკათჷ იტალიარი პარტიზანეფიშ ბუნას. ჸათეშ გეშათ ფაშისტურ მილიციაქ ოჭოფჷ, 1943 წანაშ 13 ქირსეთუთას. ლევი გეგნიჸონეს დიო ფოსოლიშ ოკონცენტრაციე ბანაკიშა დო უკულ მონოვიციშა, ნამუთ ოსვენციმიშ ოკონცენტრაციე ბანაკიშ ნორთი რდჷ. ჸათაქ თიქ 11 თუთა გატარჷ. სსრრ-შ ჯარეფიშ მიშულაშ უკული, დალახებური ლევი სანატორიუმს კურნალენდჷ. კურნალობაშ უკული ტურინიშა დირთჷ დო მუშ პროფესიული კარიერა გაგინძორჷ. იმუშუ შხვადოშხვა კერზო კომპანიეფს, ქიმიკოსო.

პრიმო ლევი რე ავტორი შხვადოშხვა წინგეფიშ, კუნტა თხობელუეფიშ კათელეფიშ, ესსეეფიშ, ლერსეფიშ, პოემეფიშ დო ართი რომანიშ. ლევიშ არძაშე უმოსო შინელი ნახანდი რე "თენა კოჩი ქორენ-და", ნამუქჷთ 1947 წანას გიშართჷ. ჸათე მემუარეფს ეჭარილი რე ლევიშ რინაშ პერიოდი მონოვიციშ (ოსვენციმი) ოკონცენტრაციე ბანაკის. 1975 წანას გიშართჷ წინგიქ "პერიოდული სისტემა", ნამუთ ავტობიოგრაფიული თხობელუეფიშ კათელი რე.

პრიმო ლევი რდჷ შხვადოშხვა იტალიური პრემიეფიშ დო ჯილდოეფიშ ლაურეატი. ღურუ 1987 წანაშ 11 პირელს.

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: