ჟირპალატამი პარლამენტი (ბიკამერიზმი, ბიკამერალიზმი ვარ-და ჟირპალატამი სისტემა) — პარლამენტიშ (დო მინშა შხვა წჷმმარინაფალი ორგანოეფიშ) სტრუქტურა, ნამუთ ჟირი პალატაშე აკმოდირთჷ.

██ ქიანეფი ჟირპალატამი ოკანონმადვალე ორგანოეფით

██ ქიანეფი ართპალატამი ოკანონმადვალე ორგანოეფით

██ ოკანონმადვალე ორგანოეფი ვაუღუ

პარლამენტიშ პალატეფს ართიანშე გინორთი უღუნა აკოდგინალუაშ, ფორმირაფაშ წესი დო რიგიშ, ნებაგოქუნელობაშ მეჯინათ. მუჭოთ წესი, პალატაშე ართ-ართი ჟილენი რე, მაჟირა — გიმენი. თენა შანენს, ნამჷ-და კანონეფს მაართაშე ღებულენს გიმენი პალატა, უკული ობეჭედალო ჟილენი პალატას გინაჩამუ. რჩქვანელობურო ჟილენი პალატას კანონშა თირუეფიშ მიშარალაშ ნება ვაუღუ, თიშ ეშაჩინებუ რე — ბეჭედუას, ვარ-და ივარუას. პრაქტიკულო თენა შანენს, ნამჷ-და პოლიტიკურო უმოსო შანულამი რე გიმენი პალატა, თიშ გეშა, ნამჷ-და თექ ირი კანონპროექტიშ შანულამი სხუნუა მეურს. თეშ მოხ, ქიანაშ თარობა გამამინჯე რე გიმენი პალატაშ წიმი. თეწკჷმა ართო, დო პრეზიდენტის ვარდა თარობაშ მადუდეს პარლამენტიშ დათხინაფაშ ნება ქოუღუ-და, მუჭოთ წესი, ხვალე გიმენი პალატაშ დათხინაფას ოხუ.

ჟირპალატამი პარლამენტეფი უმოსო აზიაშ, ევროპაშ დო ამერიკაშ ქიანას უღუ. ჟირპალატამი ოკანონმადვალე ორგანოეფი რე სამანგათ, გეჸვენჯი ქიანეფს: უზბეკეთის, მექსიკას, ბრაზილიას, არგენტინას, კანადას, ააშ-ს, რუსეთის, გოართოიანაფილი ომაფეს, საფრანგეთის, პოლონეთის, ესპანეთის, ბრიტანეთიშ ჸოფილი კოლონიეფიშ უმენტაშობას.


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.