რამაზ კუპრავა

რამაზ კუპრა — გჷშარჩქინელი ქორთუ (მარგალი) პოეტი; დებადჷ ნოღა ზუგდიდს, სოდეთ გურაფლენდჷ დო ათუ III ოშქაშე სკოლა. თიმ წანას მიშართჷ ივანე ჯავახიშვილიშ ჯოხონობაშ ქართიშ სახენწჷფო უნივერსიტეტიშა, ნამუთ ათუ ჟურნალისტიშ დიპლომით.

რამაზ კუპრავაშ მარგალურ ლერსეფიშ კათელი „ლაზონა დო მარგალონა“ გიშაშქუმალირ 2009 წანას

სტუდენტალაშ წანეფს რამაზ კუპრაქ დემაჸალჷ პოეტი შოთა ჩანტლაძეს. უნივერსიტეტწკჷმა ართო იგურუ უნივერსიტეტიშ ოზეს „შოთაშ აკადემიას“. მისჷთ „ისტმატ“, „დიამატ“, „პარტ. ისტორიაშ“ გურაფაშა გურ ვემიალედესჷნი, ათაქ, „შოთაშ აკადემია“ უსხუნუდეს „გურაფა“. თაქ, შხვა პოეტეფი დო ჭარუეფწკჷმა ართო, გეჩინებაფუ გჷმორჩქინელი ქორთჷ ჭარუ - გურამ დოჩანაშვილი.

ჟურნალისტიშ დიპლომიშ ეჭოფუაშ უკული, სოხუმს, „საბჭოთა აფხაზეთიშ“ (აფხაზეთის ხმა), რედაქციას ქიდიჭყჷ ხანდა. 30 წანაშ უკული, აფხაზეთის, რუსეთ-საქორთუოშ ლჷმაშ პერიოდის გეგნიჸონეს აფხაზეთიშ ტელე-რადიო კომპანიაშ ქორთული პროგრამეფიშ რედაქტორო.

აკოქიმინჯალა

რამაზ კუპრას ართიანს მინონწკარილი ტომეფით ვეგნუშულიდჷ მუში მაკითხირალეფი. გიშაშქუმალირი აფჷ - „ლექსები“, „ლურჯი ბორანი“, „მონოლოგი“, „მიხაკები მთვარეზე“, „ირიათონი“ თიში ოთეატრე რეცენზიეფი დო შხვადოშხვა სტატიეფი უმუხარცქუო ენიწკიპატუდ პრესაშ ხიმფორეფს. რამაზ კუპრას მუში ჟურნალისტური ბიოგრაფიაშ ართ-ართ ოსარკალაია ხიმფორო მიოჩქუდ მარგალური (კოლხური) ნინაშა გაზეთ „მაფშალიაშ“ გიშაშქუმალა. ქორთული ნინაშა ჭარილი დო გიშაშქუმალარო გახაზირებული აფჷდ „გიშნაგორა“ დო პუბლიცისტური წიგნი „მეგრელთა სულიერი და ფიზიკური გენოციდის მცდელობა“. 71 წანერი რამაზ კუპრაქ რინა გასურჷ 2010 წანაშ 11 ეკენიას. დასუფულებური რე ზუგდიდს, მანცხვარკარიშ სასაფულას.

რესურსეფი ინტერნეტის

რამაზ კუპრავაშ ლერსეფი ვიკიწყუ-ს

რამაზ კუპრავაშ ლერსეფი Youtube-ის

წყუ

რამაზ კუპრავა, ლაზონა დო მარგალონა, 2009 წ.