რეზა ფეჰლევი ვარდა რეზა შაჰი დიდი (სპარს. رضا پهلوی — Rezâ Pahlavi; დ. 15 მელახი 1878, ალასთი, მაზანდარანიშ ოსტანი, სპარსეთი — ღ. 26 კვირკვე 1944, იოჰანესბურგი, ობჟათე აფრიკაშ რსხუ) — ქორთული ჯინჯიშ ირანალი, ნამუქჷთ იჸუ ირანიშ მაართა შაჰანშაჰიქ ფეჰლევიშ დინასტიაშე. ხვისტაშა ეშართჷ ყაჯარიშ დინასტიაშ გინოჸოთამაშ უკული 1925 წანას. რეზა-შაჰ ფეჰლევქ ბრელი აკეთჷ ქიანაშ მოდერნიზაციაშო. 1935 წანას მითხუ, მუჭო შხვა ქიანეფს ოფიციალურო გჷმურინუაფდესკო ქიანაშ ჯოხოთ "ირანი" "სპარსეთიშ" მანგიორო. 1941 წანას, მაჟირა მოსოფელიშ ლჷმა რდჷნ, ვარიაშ რაგადი ოკოდჷ გოართოიანაფილ ომაფეშა დო სსრრ-შა თინეფიშ ჯარეფიშ ირანიშ  დიხეფშა მინოჸონაფაშენ, მუშ გეშა რსხუეფქ ვარია ორაგადაფუეს მაფობაშე. ღურჷ იოჰანესბურგის. თიშ მონძექ მოჰამედ რეზა ფეჰლევიქ მუმა გეგნასვანჯუ ირანშა დო სპეციალურო კეთებულ მავზოლეუმს ქჷდასვანჯუ, მარა ირანიშ ისლამურ რევოლუციაშ უკული აიათოლაქ მავზოლეუმი აკარღვაფაფუ.

რეზა-შაჰ ფეჰლევი
სპარს. رضا پهلوی
ირანიშ 34-ა შაჰი - რეზა-შაჰ ფეჰლევი
34-ა ირანიშ შაჰი
დუდალ. დაჭყაფუ: 15 ქირსეთუთა 1925
დუდალ. დათებუ: 16 ეკენია 1941
კორონაცია:24 პირელი, 1926
წიმოხონი: აჰმედ შაჰ ყაჯარი
მონძე:მოჰამედ რეზა ფეჰლევი
დაბ. თარიღი: 15 მელახი 1878
დაბ. აბანი:ალასთი, მაზანდარანი, სპარსეთი
ღურ. თარიღი:გჷმათუთა 28, 1944 (66 წანერი)
ღურ. აბანი:იოჰანესბურგი, ობჟთე აფრიკაშ რსხუ
ალმასქუ:1) მარიამ ხანუმი
2) ტაჯ ოლ-მოლუკი
3) საფიაჰ ხანუმი
4) ესმათ ოლ-მოლუკი
სქუალეფი:1-შე: 3 ცირასქუა
2-შე: 5 ქომოლსქუა
3-შე: ვაჸუნდჷ
4-შე: 2 ქომოლსქუა დო 1 ცირასქუა
ედომუშამი ჯოხო:რეზა-შაჰ ფეჰლევი
დინასტია:ფეჰლევი
მუმა:აბას ალი-ხანი
ნანა:ნუშ აფარინ აირუმლუ
რელიგია:ისლამი, შიიტურ გეჸვენჯობაშ

რესურსეფი ინტერნეტის რედაქტირაფა