რიწაშ ტობა
კოორდინატეფი: 43°28′53″ ო. გ. 40°32′29″ ბ. გ.
ორენი გუდაუთაშ მუნიციპალიტეტი
სიმაღალა ზუღაშ დონეშე 884
ფართობი 1,49 კმ²
მოცულობა 94 კმ³
მაქსიმალური სიტომბა პ101
ღანჩოშ ფართობი 154 კმ²

რიწაშ ტობა (დიდი რიწა), (აფხ. Риҵа) — ტობა საქორთუოს, აფხაზეთის, წყარმალუ ბზიფიშ ღანჩოს, ზუღაშ დონეშე 884 მეტრას, სარკეშ ფართობი რე 1,49 კმ², ღანჩოშ ფართობი — 154 კმ², მოცულობა — 94 მლნ/მ³, მაქსიმალური სიტომბა - 101 მ. ქვიბიქ გიჭყჷ გაგრაშ ქჷნდჷრიშ ობჟათე-ბჟაეიოლ კართეშე გიმნანწყვი კირდესვიმონით, წყარმალუ ლაშიფსიშ ხვილუაშ გეშა.

რიწაშ დონეეფიშ რეჟიმი იხურგუ მუში ნადუეფიში რეჟიმით. რიწაშ ტობას აკათუ ამშვი წყარმალუ. თე წყარმალუეფშე არძაშე უდიდაში რე ლაშიფსე. ტობაშე გიშმურს წყარმალუ იუფშარა. უდიდაში დონე მესის რე, უჭიჭაში — ფურთუთას. ეკენიას რე დონეშ მაჟირული მინიმუმი, გჷმათუთას მაჟირული მაქსიმუმი. დონეეფიშ წანური ძანძინიშ ოშქარი ამპლიტუდა 166 სმ. რე, მაქსიმალური 234 სმ, მინიმალური 108 სმ. წყარიშ ტემპერატურა ფრევალს - 3,8°C, მარაშინათუთას - 17.8°C. ოშქაშე წანური ნოლექი მეხოლ. 2000-2200 მმ-იე. ზოთონჯი ბორჯგიშაშქუმალირო თირამიე.

რიწაშ წყარი ძალამი ლიგე რე (66 მგ/ლ). გიშულირს მოწვანე ფერიშ რე, ზოთონც - მოცაშფერო-მოლებიშფერო რე. დინდარიე ფიტოპლანქტონით. ჩხომეფშე უჩქუ ხვალე კალმახა. რიწა უტომბაში ტობა რე მოლენკავკაციას. თიშ მუკე-მუკე გვალეფიშ სიმაღალა რე 2200-3500 მ შქას. ტობაშ მუკე-მუკე ლირსამი ნოჯეფიშ მიარესახეობა ფალუნს, ნამთინე თინეფშეიანიშ სიმაღალა 70 მეტრას ოჭირინუანს.

1946 წანას დირსხუ რიწაშ თხილერ ტერიტორიაქ (16.289 ჰა) ტობაშ დო თიში ელჷ-მოლიშ ორთაშ ოთხილარო. ზუღაშე ეშმალი ოტრანსპორტე შარაქ დოგაფილქ იჸუ 1936 წანას. ტობა შანულამი ტურისტული ოძირაფუობა რდჷ სხუნუეფიშ პერიოდის დო თიშ ოთოლიერებაფალო დღალურო 1000-შახ ტურისტი ეშმეშჷ.

იოსებ სტალინს ტობაშ ელჷ-მოლს ოზარხულე აგარაკი უღჷდ.

რესურსეფი ინტერნეტის რედაქტირაფა

ლიტერატურა რედაქტირაფა

  • აფხაზავა ი., ქართული საბჭოთა ენციკლოპედია, ტ. 8, გვ. 401, თბ., 1984 წელი.